web counter
LEXO PA REKLAMA!

SHKARKO APP

App Store
Google Play

E fundit!

x

Bregu nuk ndal kritikat ndaj Bashës/Çfarë fitonim, po ta pranonim paketën një muaj më parë!

18 Maj 2017, 19:44, Aktualitet CNA

Deputetja Majlinda Bregu ka reaguar sërish për marrëveshjen e arritur sot mes Edi Ramës dhe Lulzim Bashës.

Deputetja kritike e PD ka deklaruar se detajet teknike të marrëveshjes politikë janë të parëndësishme. Rëndësi, sipas saj, ka fakti që PD do të marrë pjesë në zgjedhjet e 25 qershorit.

Në reagimin e saj, Bregu nuk kursen kritikat ndaj kreut të demokratëve, Lulzim Basha, teksa shkruan se nëse do të pranohej paketa McAllister një muaj më parë do ishin kursyer nervat dhe telendisjet.

Ja reagimi i plotë:

Detajet teknike të Marrëveshjes Politike për mua sot janë të parëndësishme.
Rëndësia e të sotmes është se Partia Demokratike do të marrë pjesë në zgjedhjet e 25 Qershorit.
Kjo është ajo që desha dhe për hir të kësaj nuk zgjodha heshtjen komode, por vendosa t?i them hapur ç’kisha.
Këtë deshën dhe për këtë u përpoqën të gjithë miqtë europianë e ata përtej oqeanit.
Kjo është ajo për të cilën u investuan Partitë Popullore Europiane dhe këtë kishte bazë paketa e 25 Prillit e propozuar nga David McAllister.
Nëse do t’i kishim thënë PO, atij propozimi një muaj më parë, do t’i kishim kursyer vetes nerva, telendisje dhe paranojen e gjetjes së armikut të brendshëm e të jashtëm.
Do të kishim patur edhe dy muaj më shumë kohë për t’u organizuar për zgjedhjet.
Por më mirë vonë se kurrë. Rëndësi ka që Vota nuk do t’i mohohet askujt!
Një Falenderim për të gjithë miqtë që u përpoqën të na ndihmonin me arsye, kur arsyeja e shëndoshë ishte ajo që na mungoi./CityNews





Lajmet e fundit nga