web counter
LEXO PA REKLAMA!

SHKARKO APP

App Store
Google Play

Pasojat e paktit Rama-Basha/Manjani: Premisë për bashkëqeverisje PS-PD

18 Maj 2017, 19:29, Aktualitet CNA

Ish-ministri i Drejtësisë, Ylli Manjani, ka komentuar marrëveshjen e arritur sot mes kryeministrit Edi Rama dhe kryedemokratit Lulzim Basha.

Në rrjetet sociale, Manjani rendit 8 pasojat e kësaj marrëveshjeje, duke thënë se krijon disa efekte anësore.

Në fund të këtyre pasojave, ish-ministri i LSI shotn se këtë marrëveshje po e kërkonim të gjithë me ngulm ndaj dhe duhet të shpresojmë për të mirën.

Reagimi i Manjanit:

Pasojat..
——-
Kjo marrëveshje e domosdoshme për zgjedhjet, krijoi disa efekte anësore:
1. Vendosi një precedent, dorëzimin e ministrive të rëndësishme para zgjedhjeve.
2. Largon nga skena politike partitë e vogla (të paktën në këto zgjedhje).
3. Dëmtoi iluzionin e aleancave politike strategjike. Me aleatin që fiton zgjedhjet ndan shumë më pak sesa me kundërshtarin ( LSI si aleate ka vetëm 4 ministra, PD si kundërshtare ka 6 plus zv. Kryeministrin).
4. Konfirmoi edhe njëherë se problemet politike nuk zgjidhen dot me gjyqe! Kolegji u çlirua nga presioni politik.
5. Kundërshtarët e kryetarëve ngelen pa tekst. Veçanërisht pa fjalë janë analistët e gazetarët e palëve.
6. Nxorri jashtë loje komplet, po komplet fare letrën e hapur të Hahn! Muri i BE me Shqipërinë është edhe më i madh.
7. Krijon një premisë reale për bashkëqeverisje PS-PD sipas modelit gjerman.
8. Opozitarizmi mund të marrë goditje.
Askush nuk duhet të pezmatohet nga kjo marrëveshje! Të paktën deri në përfundimin e zgjedhjeve.
Të gjithë po e kërkonim me ngulm! Të shpresojmë në më të mirën!/CityNews





Lajmet e fundit nga