E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kush do zbythet?!

17 Maj 2017, 12:15, Aktualitet CNA

Vendi është zhytur në një krizë politike prej muajsh, e cila sa vjen e thellohet dita-ditës. Palët politike duket sikur po luajnë ?kukafshehtas?, ku njëherë tërhiqet njëra e njëherë tjetra. Teksa kanë kaluar plot tre muaj, gjithçka ka mbetur në vend numëro.

Presidenti i Republikës, Bujar Nishani, por edhe ndërkombëtarë të shumtë, që nga BE e deri te SHBA, janë angazhuar për të gjetur një zgjidhje të këtij ngërçi politik, por pa rezultat. Europianët ishin të parët që sollën një paketë për zgjidhjen e krizës, atë të McAllister. Paketa u pranua menjëherë nga kryeministri Edi Rama, dhe ndonëse i jepte jo pak opozitës, kjo e fundit me në krye Lulzim Bashën, nuk e pranoi, duke vijuar ngujimin në ?Çadrën e Lirisë?.

Menjëherë pas largimit të eurodeputetëve nga Shqipëria, pa arritjen e një konsensusi mes palëve, madje pa mundur as të ballafaqojnë palët, u angazhua Presidenti i vendit, Bujar Nishani. Ky i fundit ia doli të ulë palët në tryezën e diskutimit, dy ditë rresht, por edhe kjo rezultoi një tentativë e dështuar, ku sërish fajtor ishte Lulzim Basha, i cili kërkonte me çdo kusht largimin e Edi Ramës nga posti i kryeministrit për t?iu rikthyer jetës politike.

Vetëm pak javë më vonë, teksa kriza po thellohej më shumë, amerikanët morën përsipër të angazhoheshin, duke negociuar me palët politike zgjidhjen e krizës. SHBA solli në Tiranë zyrtarin e lartë, Hoyt Brian Yee, i cili riktheu dhe njëherë në tryezë paketën McAllister.

Tashmë, shfaqet një situatë krejt tjetër dhe çuditërisht palët ndërrojnë rolet. Kreu i demokratëve pranoi paketën, duke u tërhequr nga kërkesat për qeveri teknike dhe dorëheqjen e Edi Ramës nga posti i kryeministrit. Mbrëmjen e kaluar, kur palët ishin shumë pranë gjetjes së një marrëveshjeje për zgjidhjen e krizës, ishte kryeministri Edi Rama, që u tërhoq duke mos pranuar paketën McAllister dhe shtyrjen e datës së zgjedhjeve.

Nga një analizë e thjeshtë rezulton se në vend nuk kemi një krizë politike, por krizën e zbythjes së politikanëve tanë që sillen me një mentalitet arkaik.

Liderët politikë, si Rama ashtu edhe Basha, nuk kanë hallin e popullit dhe as të vendit, por vetëm të tyrin. Ata po përpiqen me çdo kusht që në fund të thonë se triumfuan ndaj tjetrit. Kush ia futi kujt? Asnjëri prej tyre nuk pranon publikisht tërheqje dhe të japë atgumenta. Të gjithë kanë frike se po të lëshojnë, ashtu siç dhe duhet në politikë, kanë frikë se kundërshtari apo opinioni do thotë: ky ishte ai që u zbyth i pari.

Në fakt, në çdo fushëbetejë ka një humbës dhe një fitues, në politikë fituesit e përcaktojnë zgjedhjet jo thashethemet dhe mentalitetet alla shqiptarçe. Liderët tanë duket se nuk e pranojnë humbjen dhe problem kanë zbythjen, për këtë ata janë gati të bashkëjetojnë me krizën.

Secili prej tyre ka frikë deri në palcë nga ?fatura e zbythjes?, ka frikë që në fund të dalë dhe të pranojë hapur se nuk ia doli dot të ishte fitues i kësaj beteje, duke harruar se pasojat e kësaj krize rëndojnë mbi popullin. Atyre nuk iu intereson aspak populli, përveçse në prag zgjedhjesh për votën e tyre, gjithçka rrotullohet jo më larg hundës së tyre, këtë e tregojnë në 4 vite rresht dhe makthi që ata kanë nga zbythja që kanë si koncept politik në mendjen e tyre./CityNews