web counter
LEXO PA REKLAMA!

SHKARKO APP

App Store
Google Play

A do dorëhiqet Ilir Meta nga posti i Presidentit?

17 Maj 2017, 12:02, Aktualitet CNA

Kuvendi i Shqipërisë zgjodhi rreth një muaj më parë Presidentin e ri të Republikës. Mazhoranca votoi Ilir Metën, duke i besuar postin e Kreut të Shtetit. Por, pa kaluar ende një muaj nga marrja e këtij posti dhe pa marrë ende zyrtarisht detyrën, Ilir Meta tha se mund të japë dorëheqjen.

Kjo frazë është thënë shpesh në radhët e LSI, jo vetëm nga Ilir Meta, por edhe kreu i ri i kësaj force politike, Petrit Vasili. Pa bërë akoma betimin si President i vendit, Ilir Meta ka deklaruar dy herë se dorëzon këtë post ende pa e marrë, nëse do t?i shërbente zgjidhjes së krizës politike. Të njëjtën gjë ka pohuar edhe Petrit Vasili, i cili tha sot për herë të dytë se LSI dorëzon postin e Presidentit për zgjidhjen e krizës.

Sot është e katërta herë që përsëritet kjo deklaratë e fortë nga LSI, e cila në fakt nuk dihet nëse po bëhet për t?i shërbyer situatës së rënduar politike, apo si gjithmonë është një mashtrim i radhës i Ilir Metës.

Në fakt, që pas zgjedhjes si President dhe dorëheqjes nga kryetar i LSI, Ilir Meta është shfaqur shumë pak në skenën politike, duke mos bërë më rolin e negociatorit për zgjidhje me konsensus të krizës politike. Ai u ?zhduk? menjëherë nga ekrani dhe shfaqet vetëm në takime elektorale të LSI, duke vëzhguar në heshtje situatën politike që ?zien?, dhe duke ngacmuar vetëm me shprehjen: Jap dorëheqjen!

Vështirë të besohet kjo deklaratë e Metës dhe gatishmëria e tij për të dhënë dorëheqjen, kur në fakt me sa e njohim atë në historinë politike, mund të bëjë shumë gjëra, por jo të dorëhiqet nga postet e larta, që i lakmon, apo dhe të dalë në opozitë.

Megjithatë, kriza politike vazhdon, por edhe negociatat mes palëve nga ana tjetër, të shohim nëse do kemi ?tym të bardhë? nga Ilir Meta, para se ta shohim atë nga Edi Rama dhe Lulzim Basha./CityNews





Lajmet e fundit nga