web counter
LEXO PA REKLAMA!

SHKARKO APP

App Store
Google Play

Befasia e koalicioneve kosovare/ Tre partitë shemra lidhin “krushqi”

17 Maj 2017, 10:32, Aktualitet CNA

Mesnata e djeshme ka qenë afati i fundit ligjor i regjistrimit të koalicioneve parazgjedhore midis partive garuese në zgjedhjet e parakohëshme parlamentare të 11 qershorit. Nga burimet zyrtare të raportuara prej mediave kosovare, pas kalimit të afatit, si befasi e koalicioneve ka rezultuar “krushqia” e Partisë Demokratike të Kosovës (PDK), e kryesuar nga ish-kryeparlamentarit Kadri Veseli, e cila në mesnatë ka bërë koalicion me rivalët e saj më të mëdhenj, Ramush Haradinajn e Fatmir Limajn, drejtues përkatësisht të dy partive të bllokut opozitar AAK-NISMA.

Marrëveshja midis PDK, AAK dhe subjektit NISMA u nënshkrua vetëm pak minuta para se të kaloj afati ligjor i përcaktuar nga KQZ, raportojnë mediat.

Në këtë marrëveshje rezulton edhe kushti që, si kandidati i përbashkët i koalicionit PDK-AAK-NISMA për kryeministër të jetë Ramush Haradinaj. Por edhe që në listën e përbashkët do të jenë 50 % e kandidatëve të AAK-NISMA dhe 50% të PDK-së. Listës së këtij koalicioni do t?i prij Kadri Veseli, ndërsa PDK pritet t?i marr numrin më të madh të dikastereve qeveritare./CityNews





Lajmet e fundit nga