web counter
LEXO PA REKLAMA!

SHKARKO APP

App Store
Google Play

E fundit!

x

Skandali në KQZ-Firma e duraluminit fiton tenderin për kanceleri/90 milion lekë me 100% të vlerës

17 Maj 2017, 08:31, Aktualitet CNA

KQZ hyn në listën e institucioneve ku tenderat janë fiktive, gjenden hapësira ligjore dhe më pas me 100% të vlerës ju jepen njerëzve që janë pranë drejtuesve të institucionit apo urdhërohen politikisht nga zyrat e PS-së.

Për të blerë  artikuj kancelarie për zgjedhjet 2017, Komisioni Qendror i Zgjedhjeve ka shpenzuar mbi 90 milion lekë (të vjetra), gati 100% të fondit limit dhe për ta bërë këtë ka dhenë shumën e mësipërme nëpërmjet  aplikimit të procedurës ?me negocim, pa shpallje paraprake të njoftimit të kontratës?, pasi më parë ka anulluar tenderin.

CityNews ka siguruar informacione nga burime konfidenciale të cilat denoncojnë dhe e quajnë aferë të dyshimtë korruptive praktikën e  KQZ.

Sipas Buletini i Prokurimit Publik nr.17 datë 02.05.2017, (fq.604/737) foto 2, ku tek ?njoftimi i kontratave të lidhura?  lexohet se: pas zhvillimit të procedurës me negocim pa botim paraprak, KQZ-ja ka nënshkruar kontratën për blerje kancelarie me ?Plastik Form?, me vlerë 9.090.862 lekë me TVSH, me fond limit 7.630.615 lekë pa tvsh. Data e lidhjes së kontratës 18.04.2017.

Vlera e firmosur është thuajse 100% e fondit limit dhe KQZ ka ndjekur një procedurë ku shuma i jepet një subjekti që aktivitetin e tij e ka pasur duralumine.

Burime konfidenciale denoncojnë pranë CityNews se skandali ka nisur me anullimin e tenderit të shpallur nga KQZ për blerjen e kancelarive. Dhe, më tej, në këtë informacion thuhet se ?KQZ ka botuar në Buletinin e Prokurimit Publik nr.15, njoftimin per anulimin e procedurës bazuar në nenin 24 të ligjit nr. 9643 ?Për prokurimin Publik?, i ndryshuar, por ajo çka është e rëndësishme është fakti se referuar këtij neni, në fund të tij, përmendet:?..duke respektuar parimet e barazisë dhe  transparencës??.

Pra, sipas këtij neni, do të thotë që nqs kjo procedurë elektronike anulohet, institucioni, minimalisht, duhet të ftojë në rifillimin e procedurës, subjektet që kanë shfaqur interes, pra që të garantojë barazine dhe transparencën.

Por cfarë ndodhi me këtë tender në KQZ?? A rifilloi kjo procedurë? Nëse po cfarë lloj procedure? Kush u ftua të merrte pjesë në rifillimin e saj? A u ftuan ata qe deri atehere kishin shfaqur interes? Sa oferta u paraqitën nga operatoret ekonomike te ftuar? Sa ishte vlera e fondit  limit të kësaj procedure? Sa ishte vlera e ofertës fituese?  Si quhet shoqëria fituese me të cilën u lidh kontrata? A u përdorën të njëjtat dokumenta standarte si ne procedure elektronike?

Një pjesë të këtyre përgjigjeve janë  në buletinin e Prokurimit Publik nr.17 datë 02.05.2017, tek (njoftimi i kontratave te lidhura) ku njoftohet se, KQZ-ja, pas zhvillimit të ?procedurës me negocim pa botim paraprak?, ka nënshkruar kontratën për blerje kancelarie me personin fizik ?Shkelzen NUNAJ? me emrin tregetar ?Plastik Form?, me vlerë 9.090.862 leke me TVSH (gati sa fondi limit).

Nga një vëzhgim i thjeshtë, po ti referohemi ekstraktit historik të këtij subjekti në QKR vërejmë se ka si objekt te veprimtarise se tij:  shërbime përpunim, peçiglas, duralumin. Po në këtë ekstrakt lehtësisht vihet re që ky biznes më datë 30.03.2017 ka shtuar si objekt të veprimtarisë së tij: tregëtim të artikujve të kancelarisë.

Pra, subjekt që ka tërë jetën që prodhon dhe tregëton peçigla dhe alumin një ditë të bukur më datë 30.03.2017 (pikerisht kur KQZ-ja anullon tenderin elektronik), i mbushet mendja që mund të tregëtojë artikuj kancelarie dhe shkon e shton objektin e veprimtarisë së tij në QKR.

KQZ-ja, që ka nevojë të madhe të blejë kancelari,nuk zhvillon një procedurë transparente dhe nuk i drejtohet kompanive që kanë eksperiencë dhe që tregëtojnë artikuj kancelarie, por zgjedh pikërisht një person fizik (me veprimtari te kufizuar), që sapo ka vendosur të tregtojë artikuj kancelarie, pra ska asnjë eksperiencë në këtë fushë .

KQZ ofron firma pa eksperiencë në tender, ndonjë të ngjashëm, dhe menjeherë e shpall fitues me vlerë gati sa fondi limit, praktikisht duke ja dhuruar këtë tender një anonimi në fushën e kancelarisë në prag të fushatës./ Citynews





Lajmet e fundit nga