web counter
LEXO PA REKLAMA!

SHKARKO APP

App Store
Google Play

E fundit!

x

Rekord ankesash/ Zbardhet katrahura e sistemit të drejtësisë

17 Maj 2017, 07:47, Aktualitet CNA

 

Gjatë një konference kushtuar sistemit të drejtësisë, Avokati i Popullit, Igli Totozani ka deklaruar se gjatë dy viteve të fundit, në zyrën e tij kanë shkuar mbi 400 ankesa nga qytetarët, ndërkohë që prej vitesh shumë dosje vazhdojnë  të mbeten të bllokuara.

?Vetëm gjatë dy viteve të fundit, institucioni i Avokatit të Popullit ka trajtuar mbi 400 ankesa të adresuara nga qytetarët, për veprime të padrejta, ose mosveprime të kryera nga organi i akuzës dhe gjykatës. Problematike mbeten pretendimet e ankuesve për zvarritje të pajustifikuara të hetimit, apo gjykimit të çështjeve civile dhe penale. Një sërë ankesash janë paraqitur edhe ndaj gjyqësorit, të cilat kanë qenë kryesisht ndaj Gjykatave të Apelit dhe Gjykatës së Lartë, pasi në këtë të fundit janë bllokuar prej vitesh dosje gjyqësore pa iu nënshtruar një procesi gjykimi?, përmendi Totozani.

Sipas tij, sistemi i Drejtësisë është një nga shqetësimet më të mëdah të shqiptarëve, pasi pengon ecjen përpara nga që nuk garanton respektimin e të drejtave të njeriut .

?Një nga çështjet që shqetësojnë sot shqiptarët, është sistemi aktual i Drejtësisë në Shqipëri, i cili nuk garanton ruajtjen dhe respektimin e të drejtave të njeriut. Ky fakt duket qartë edhe në ankesat e shumta që paraqiten në institucionin e Avokatit të Popullit, vit pas viti, dhe që kanë të bëjnë kryesisht me respektimin e të drejtave të njeriut gjatë veprimtarisë që kryhet nga ana e organit të Prokurorisë dhe të Gjykatave në vend. Dhënia e drejtësisë është e lidhur ngushtë me respektimin e së drejtës për një proces të rregullt ligjor?, artikuloi më tej Totozani që në vlerësimi të cilësisë u shpreh se nga ana profesionale gjyqtarët në Shqipëri, janë larg standardeve europiane./CityNews





Lajmet e fundit nga