web counter
LEXO PA REKLAMA!

SHKARKO APP

App Store
Google Play

E fundit!

x

Aksident tragjik shumë pranë Shqipërisë/3 të vdekur e shumë të plagosur

14 Maj 2017, 15:22, Aktualitet CNA

Një aksident i rëndë ka ndodhur në veri të Greqisë, teksa një tren pasagjerësh është përplasur me një banesë, duke lënë tre të vdekur dhe disa të plagosur. Treni, i cili udhëtonte nga Athina, është përplasur me një shtëpi pasi ka dalë nga shinat në afërsi të Selanikut.

Një nga banorët e pronës tha se ai kishte mundur të shpëtonte duke u hedhur nga ballkoni vetëm pak momente përpara se treni të përplasej me banesat, shkruan BBC.

Nuk dihen ende shkaqet që çuan në daljen e trenit nga shinat. Viktimat nuk janë identifikuar ende formalisht por mediat lokale raportojnë se një nga të vdekurit ishte pasagjer, ndërsa dy të tjerët pjesë e stafit drejtues të trenit.

Makinisti i trenit me 5 vagona në të cilin qëndronin 70 pasagjerë është një nga të lënduarit. Një nga vagonët e trenit është përplasur me një banesë të dy emigrantëve shqiptarë, të cilët shpëtuan për mrekulli. Sipas agjencisë ANA-MPA, shqiptarët ndodheshin në shtëpi në momentin e aksidentit, por përveç se të tronditur nga ngjarja nuk pësuan lëndime./CityNews





Lajmet e fundit nga