Takim me vajza e gra/Kreu i LSI: Jeni fuqi e jashtëzakonshme!

14 Maj 2017, 15:13, Aktualitet CNA

Lëvizja Socialiste për Integrim organizoi një takim me vajzat dhe gratë e Njësisë administrative nr. 5 në Tiranë. Të pranishëm ishin Kryetari i LSI-së, Petrit Vasili, kandidatet për deputetë të qarkut Tiranë, Klajda Gjosha, Kejdi Mehmetaj, Floida Kërpaçi.

Gjithashtu, në këtë takim mori pjesë edhe ish-kryetari i LSI-së, Ilir Meta, në kuadër të turit të rij të falënderimit më anëtarët dhe simpatizantët e kësaj force politike.

Duke marrë fjalën në këtë takim, Kryetari i Lëvizjes Socialiste për Integrim, Petrit Vasili, duke vlerësuar rëndësinë e pjesëmarrjes së gruas në politikë, tha se Shqipëria ka nevojë për një kthesë të madhe historike, duke iu dhënë shanse vajzave dhe grave që të jenë zë i fuqishëm politikë.

?Një shans për gratë nuk është një shans si gjithë të tjerët. Është një shans i trefishtë, sepse është një shans për gruan, është një shans për fëmijën, është edhe një shans për familjen dhe kush mund t?i mishërojë këto tre shanse bashkë përveçse mbështetja e gruas. Për këtë shans të trefishtë ne jemi të dedikuar të gjithë në LSI, në LRI dhe në LGI, ta bëjmë një realitet të prekshëm për të gjithë shqiptarët. Me realizimin e këtij shansi të trefishtë, vetëm në këtë mënyrë Shqipëria mund të jetë ndryshe. Secila nga ju është një individualitet më vete, është një realitet më vete, të gjitha këto realitete të bëra së bashku është një fuqi e jashtëzakonshme për LSI-në po e po, për shoqërinë dhe sigurisht për Shqipërinë, – tha ndër të tjera Kryetari i LSI-së, Vasili.

Ndërsa kryesuesja e listës së kandidatëve për deputetë të LSI-së për qarkun Tiranë, Klajda Gjosha, e cilësoi privilegj pjesëmarrjen e shumë vajzave dhe grave në politikën e LSI-së. Gjithashtu, Gjosha u ndal edhe te programi i LSI-së, që ka një fokus të veçantë në mbështetje të grave dhe vajzave.

?Programi i arsimit dhe i një edukimi cilësor është nga shtylla më kryesore të programit të LSI-së. Mbështetja ekonomike e një gruaje dhe zhvillimi ekonomik i një gruaje për ne do të thotë zhvillim ekonomik i të gjithë shoqërisë shqiptare dhe familjes shqiptare. Një fokus i veçantë do t?i jepet atyre grave që duan të jenë pjesë e biznesit, me kredi të buta, duke i ndihmuar ato duke i dhënë këshilla për të ndërtuar një biznes dhe për të punësuar sa më shumë gra dhe vajza të tjera. Kjo do të thotë t?i japësh shansin një gruaje, kjo do të thotë t?i japësh shansin një familjeje?, – deklaroi kandidatja Gjosha.

Ndërsa, kandidatja tjetër, Kejdi Mehmetaj, në fjalën e saj theksoi se vendi ka nevojë për një politikë që merret dhe diskuton për çështje konkrete që shqetësojnë qytetarët shqiptarë.

?Ne duam të japim një frymë tjetër, ne duam t?i japim një energji tjetër politikës, ne duam të japim energjinë e vajzave dhe djemve të rinj, energjinë e grave në mënyrë që politika shqiptare të kalojë nga një politikë konflikti në një politikë që flet për çështje konkrete, një politikë që mendon për hallet e qytetarëve, një politikë që do t?i zgjidhë këto halle, një politikë që do ta reformojë Shqipërinë dhe ta bëjë atë të ecë më shpejt drejt rrugës së integrimit evropian?, – deklaroi Kejdi Mehmetaj./CityNews