MBI NJE FABUL "TË MAJTË"

7 Maj 2017, 11:05, Aktualitet CNA

(Reçensë e shkurtër) Fabula është një zhanër i narrativës se shkurtër me personazhe frymorë ose jofrymorë, por sigurisht jo njerëz, pavarësisht atribuimeve, të cilat permes narrativës konçize e intensive, rrëfejnë konfliktin midis të mirës me të keqen.

Në shumësinë e rasteve spektatori është fëmijë, që emocionohet e magjepset, po që brenda këtyre emocioneve, fillon të konturohet arsyetimi, dmth morali i cili përkon me moralin shoqëror në identifikimin dhe mundjen e së keqes.

Fabulën e fillon identifikuesi me njoftimin; “…EDI RAMA, TASHMË KRYETAR I SEKTIT TË SPIUNËVE TË SHQIPËRISË, KJO FUNDËRRINË E PASHEMBULLT MORALE E SHOQËRISË SHQIPTARE.
KY NJERI QË MOHOI ATËSINË E TË BIRIT NË GJYQ, KY NJERI QË AKUZOI BABAIN E TIJ, SI BABAIN E DJALIT TË TIJ, KY NJERI I PA NDER, I PA FAMILJE, PA ASNJË NORMË SHOQËRORE DHE MORALE, SYNOI TË BËNTE NJË PUÇ NË SHQIPËRI, PËRMES….”(shih arkivat)

Aksioni vazhdon kështu: Vetë Identifikuesi i së keqes brenda një vit e gjysëm, si në magji “me qetësi e dashuri” stoike, transformohet në patericë për “fundërrinën…” me qëllimin e vetëm të suksesshëm…, që kjo-fundërrinë…, të bëhet kryeministër i shqiptarve.

Katër vjetët e kohës metafizike janë të mjaftueshme që “fundërrina…” ta ketë realizuar misionin e Tij. Fabula në këtë rast ia lë fëmijës ta nënkuptojë ose ta verifikojë vetë shkatërrimin dhe gërmadhat që di të prodhojë “fundërrina”.

Keshtu narracioni vijohet si në mishërimet avatar-ske, sepse pikërisht kjo-FUNDËRRINË e PASHEMBULLT e SHOQËRISË SHQIPTARE…” ngarkohet prej së majtës së majtë të së majtës shqiptare, me detyrën, të zgjedhë President për shqiptarët.

“Fundërrina” shprehet para “Kol-“topit”;
“…unë jam shumë i qetë se Identifikuesi nesër do të jetë president, sepse … është situata e tillë…, …META ËSHTË I PRERË, FLET ME TË GJITHË DHE ËSHTË ME TË GJITHË…”
-Të gjithë…, cilët të gjithë? A mund të jetë i të gjithëve presidenti i zgjedhur nga një fundërrinë?
-në fund të fundit ç’mund të presidojë një i tillë i zgjedhur prej një “fundërrine”

Cilat do të jenë “punët e mira” që mund të bejë një identifikues i shenderruar në patericë të një fundërrine, pastaj shpërblehet me President, për shërbimet ndaj fundërrinës…?
Ketu fabula del kaq djallëzisht e majtë, sa nuk ka enverist, komunist, majtist, socialist, rilindas soroist, kanabist…që prej 48+8+4 vjetësh po robëtohen t’u

bëjnë…shtet shqiptarve, të mos ketë mbetur pa u shastisur.
Dhe kaq po kaq përdreqësisht e majtë, sa po na mbyten në kërkim të “substancës së ndonjë grimë-morali” gjithë Ed’rtv-t, krejt merobazët, gëllç-muçnano’nazarkot, braçErjonkat e Ruç’gjinushkat e Çil-ur e paÇilur, duke harruar thelbin e thagmës të Spiropales për “skenderbeun” e saj./Nga Zef Zefi