web counter
LEXO PA REKLAMA!

SHKARKO APP

App Store
Google Play

E fundit!

x

Presidenti i Senatit të SHBA uron Metën/Ja letra e plotë

7 Maj 2017, 10:23, Aktualitet CNA

Presidenti i Senatit të Shteteve të Bashkuara, z. Orrin G. Hatch, ka uruar z. Ilir Meta me rastin e zgjedhjes së tij në postin e Presidentit të Republikës së Shqipërisë.

Në telegramin e urimit, z. Hatch vlerëson kontributin e rëndësishëm të Shqipërisë për të siguruar stabilitetin në rajon, teksa shpreh besimin se së bashku me z. Meta do të avancohen objektivat e përbashkëta të dy kombeve tona.

Më poshtë teksti i plotë i letrës:
Shkëlqesisë së tij Ilir Meta
President i zgjedhur i Republikës së Shqipërisë

I dashur President i zgjedhur:
Ju lutem pranoni urimet e mia të ngrohta për zgjedhjen tuaj.

Dëshiroj t?ju uroj juve dhe popullit shqiptar suksese, ndërkohë që ju merrni Presidencën.
Ishte një kënaqësi e madhe t?iu takoja gjatë Inagurimit të Presidentit Trump. Mua më pëlqeu thellësisht biseda jonë për reformën në drejtësi, trafikun e drogës dhe kauzën tonë të përbashkët për të mundur ISIS-in. Me të vërtetë, si një nga anëtarët më të rinj të NATO-s, unë e vleresoj thellësisht kontributin e rëndësishëm të Shqipërisë për të siguruar stabilitetin në Evropën jugore, për të luftuar terrorizmin në Irak dhe Afganistan, dhe për të këshilluar kombet që aspirojnë t?i bashkohen NATO-s.
Pres që të punoj me ju për të çuar përpara objektivat e përbashkëta të dy kombeve tona të mëdha.
Edhe një herë urimet më të mira ndërkohë që ju merrni këtë detyrë të lartë./CityNews

Sinqerisht

Orrin G. Hatch
Senati i Shteteve të Bashkuara të Amerikës





Lajmet e fundit nga