web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Dervishi/"Heronjtë" dhe miti i tyre

6 Maj 2017, 14:19, Aktualitet CNA

Një vend i vogël si Shqipëri, e ka të pamundur të ketë me shumicë heronj. Në shumë raste, sidomos gjatë kohës së komunizmit janë krijuar mite për “heronj” dhe “heroizma të mëdha”. Në vetvete, miti për shqiptarët, në shumicë është një proces i gjatë propagande, falsifikimi dhe gënjeshtrash. Ai “jeton” sot në simbolika të kota, emërtesa shtetërore, vepra artistike, etj. Po jap një shembull të thjeshtë e aspak të ndërlikuar apo shkencor. Kam lexuar një libër të vogël para 15 vjetësh që tregonte historinë e një njeriu që mbahej në Gramsh për mençurinë e tij popullore. Personi të cilit i kushtohej libri kishte qenë edhe partizan. Meqë ai kishte luftuar me heroin, emrin e të cilit mbante një shkollë fshati, mësuesi, i frymëzuar nga mësimet e partisë dhe tregimet e pafundme për heroizmin e e treguar të tij (heroit), i cili ishte përleshur me armikun, kishte thirrur për partinë duke marrë plumbin në ballë, u nis të takojë xha Kapon. Pasi u përshëndetën e thanë fjalët e zakonshme, midis të dyve u zhvillua ky dialog: -Mësuesi: Po plumbi ku e zuri heroin o xha Kapo? -Xha Kapo: Eh, plumbi e zuri në vend të lig. -Mësuesi: Po sikur nuk shkon o xha Kapo të shkruajmë se heroin plumbi e mori në… -Xha Kapo: Shkon nuk shkon or bir, kjo është e vërteta. -Mësuesi: Dakord, xha Kapo, po fjalët e fundit të heroit cilat ishin, çfarë thoshte ai? -Xha Kapo: Ai or bir në krahët e mi dha shpirt. Po derisa mbaroi, vetëm vendin e lig përmendte e nuk thoshte asnjë fjalë tjetër./CityNews





Lajmet e fundit nga