web counter
LEXO PA REKLAMA!

SHKARKO APP

App Store
Google Play

E fundit!

x

Mocioni mosbesimit zbulon rrymat brenda opozitës kosovare

5 Maj 2017, 16:33, Aktualitet CNA

Ditën e mërkurë Kuvendi i Kosovës ka futur në axhendën e seancës plenare shqyrtimin e mocionit të mosbesimit, ndaj qeverisë Mustafa, mocion ky i depozituar nga partia Nisma për Kosovën. Ndërkohë që një fakt i tillë është konfirmuar zyrtarisht, mocioni ka nxjerrë në sipërfaqe edhe rrymat brenda forcës më të madhe të opozitës PDK.

Duke ju referuar njohësit të çështjeve politike, Xhemal Ahmeti, gazeta kosovare ?Zëri? thekson se, ai ka thenë për gazetën ?Blic?: ?Mocioni u bë. Opozita në këtë drejtim është unike, mirëpo pas perdeve zhvillohet luftë e ashpër. Kjo luftë ecën në dy binarë: në njërën anë bëhet luftë brenda PDK-së e në anën tjetër ndërlidhësit e koalicionit nga ana e LDK-së bëjnë çmos që t?ia zgjasin jetën qeverisë. Brenda PDK-së spekulohet të jenë dy grupe me qëndrime diametralisht të kundërta: Hashim Thaçi, Hajredin Kuçi, Enver Hoxhaj qenkan fraksioni që ka frikë të prishet koalicioni dhe bëjnë çmos që të zgjatet jeta e kësaj qeverisjeje. Fraksioni tjetër thuhet të jetë ai i Kadri Veselit me të rinjtë që duan rigjenerimin e partisë dhe këputjen nga kjo qeverisje, sa më shpejtë të jetë e mundshme dhe të orientohen për zgjedhjet. Mirëpo Thaçi ende ka pushtetin në parti dhe Veseli ende s?ka mbërri si duhet aq sa për të marrë vendime kaq thyese. Nëse iu referohemi këtyre gjendjeve konkrete atëherë mocioni mund të dështojë?./ CityNews





Lajmet e fundit nga