E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Kastriot MYFTARAJ/Si do të përfundojë dueli Basha-Rama

5 Maj 2017, 15:24, Aktualitet CNA

Filozofi anglez Alfred NorthWhitehead ka thënë se: ?The safest general charachterization of the philosophical tradition is that it consists of a series of footnotes to Plato.?
Diçka të ngjashme do të thosha unë për ?Iliadën? e Homerit sa iu përket shkencave politike. Vetëm faqet ku përshkruhet dueli i Akilit me Hektorin dhe forcat që e ndikojnë këtë ngjarje, vlejnë sa gjysma e bibliotekës së shkencave politike të botës.
Akili e ndjente veten superior, pasi i ishte dhënë nga Hyjnitë paprekshmëria e trupit. Të gjithë personazhet-heronj të ?Iliadës? u përzien në konfliktin mes Zotave të Olimpit të cilit ndikonin në atë që ndodhte në fushëbetejë, por ndryshe prej të gjithë Akili u përzie me arrogancë në këtë konflikt. Në konfliktin politik të sotëm në Shqipëri, Akili në trajtë karikature është Edi Rama, i cili duke e ndjerë veten të paprekshëm, për shkak të mbështetjes së Sorosit, u përzie në debatin politik amerikan për zgjedhjet presidenciale, duke fyer njërin nga kandidatët, Trumpin.
Me arrogancën me të cilën Akili ftoi në duel Hektorin, Rama e sfidoi opozitën duke i thënë se kishte frikë nga reforma në drejtësi. Kur Akili i paprekshëm nga shpata dhe shigjeta, e tallte Hektorin e prekshëm nga këto armë, duke i thënë se kishte frikë, bënte kinse nuk e kuptonte se nuk mund të bëhej fjalë për duel kur vetëm njëra palë rrezikonte jetën. Drejtësia e Reformuar, nga e cila nuk kishte frikë Kryeministri, por vetëm Opozita, nuk mund të ishte veçse një Drejtësi e kontrolluar nga Kryeministri, i cili me këtë qëndrim tradhtonte sigurimin paraprak të paprekshmërisë nga Drejtësia e Reformuar.
Ky plan u prish me fitoren e Trump në zgjedhjet presidenciale amerikane. Basha, i sfiduar si Hektori, nuk kishte zgjidhje tjetërv veçse të dilte në fushëbetejë. Shpresa e vetme e fshehtë e Hektorit kur doli në duel me Akilin, ishte që, me çmimin e vetësakrifikimit të vet, ta bënte këtë të fundit të shfaqte pikën e tij të dobët, thembrën ku ishte i prekshëm, për shokët e Hektorit që e ndiqnin duelin nga muret e Trojës, që këta të kishin mundësi ta qëllonin atje, ashtu siç ndodhi. Edhe Hektori, tekefundit kishte mbështetjen e disa Zotave të Olimpit të cilët qenë të zemëruar me Akilin.
Basha, ashtu si Hektori, zgjodhi mënyrën më të thjeshtë dhe më efikase për ta bërë duelin, në atë mënyrë që të ekspozonte pikën e dobët të kundërshtarit. Basha vuri në dukje paradoksin, kundërshtinë mes kauzës së shpallur të Kryeministrit Rama për Drejtësinë e Reformuar, nga njëra anë, dhe shndërrimit të qartë të Shqipërisë në një plantacion droge, në anën tjetër, çka vërtetohej edhe me shumëfishimin e sasisë së drogës me prejardhje nga Shqipëria të kapur në Europë. Mbi këtë premisë Basha arsyetoi se nuk mund t? i besohej kujdestaria e zgjedhjeve një Kryeministri që kishte krijuar një realitet të tillë.
Ashtu si Hektorin, sfida që ka zgjedhur Basha mund ta çojë atë në vetësakrifikim politik, që në rastin e Bashës do të thotë që t? i humbë zgjedhjet edhe pas dorëheqjes së Ramës. Por është e sigurt se kundërshtari i tij, ?Akili?, Kryeministri Rama do të eliminohet politikisht. Në rastin tonë, Hektori-Bashë ka mbështetjen e Zeusit-Trump, zemërimin e të cilit ka tërhequr Rama-Akil.