web counter
LEXO PA REKLAMA!

SHKARKO APP

App Store
Google Play

Kosovë/ Mocion mosbesimi ndaj qeverisë Mustafa

5 Maj 2017, 15:57, Aktualitet CNA

Pas një seria paralajmërimesh dhe përpjekjesh për të rrëzuar qeverinë e Isa Mustafës, duket se ka ardhur dita që ky projekt opozitës të bëhet realitet. Mediat kosovare kanë lajmëruar futjen në rendin e ditës të një mocioni votëbesimi ndaj kryeministrit Isa Mustafa në seancën plenare të ditës së mërkurë. Mocioni është inicuar nga partia Nisma për Kosovën dhe sipas të gjithave gjasave ka mundësi të kaloj me votat e duhura të 61 deputetëve që do të thotë se me këtë sasi votash kabineti Mustafa rrëzohet dhe vendi shkon në zgjedhje të parakohëshme. Për të tilla raste pika 2 e nenit 82 të Kushtetutës së Kosovës, thekson se: nëse  qeveri shkarkohet me mocion votëbesimi, atëherë Presidenti i vendit, merr vendimin që ta shpërndaj Kuvendin dhe të shpallë zgjedhjet e parakohëshme, që duhet të organizohen 30- 45 ditë, nga dita e shpërndarjes së Kuvendit. Kështu , që nëse ditën e mërkurë votohet mocioni i Nismës dhe Kuvendi shpërndahet, zgjedhjet mund të mbahen pas datës 11 qershor./CityNews





Lajmet e fundit nga