web counter
LEXO PA REKLAMA!

SHKARKO APP

App Store
Google Play

Zbulimi i CityNews/ 4 vetë në takimin presidencial për zgjidhjen e krizës

4 Maj 2017, 18:34, Aktualitet CNA

Në raportimet e tyre të gjithë përfaqësuesit mediatikë kanë evidentuar, theksueshëm, se pjesëmarrës në takimin e dytë të bisedimeve që po zhvillohen në presidencë janë tre vetë: Presidenti ende në detyrë, Bujar Nishani, kryetari i socialistëve Edi Rama dhe homologu i tij i demokratëve Lulzim Basha.

Në fakt kjo është e vërtetë dhe, sikurse, nga burime konfidenciale është informuar CityNews, në këtë takim të dytë negociatash për zgjidhjen e krizës dhe arritjen e marrëveshjes është zgjedhur formati ?teta tetë?, apo ?kokë më kokë?, për të mos lejuar rrjedhjen e informacionit.

Propozues e vendimarrës të aplikimit të kësaj skeme kanë qenë të ndërkombëtarët, të cilët po e monitorojnë hap pas hapi gjithçka, në mënyrë që të mos i japin shkak politikanëve grindavec vendas të shfrytëzojnë çdo thërrime, apo qime informacioni të rrjedhur, për të ndezur edhe më lart flakët e konfliktit.

Ide e mirë shumë kjo mirëpo këshilltarët e huaj nuk e dinë se, në fakt, takimi presidencial nuk është i formatit ?kokë më kokë? dhe as nuk zhvillohet me pjesëmarrjen e Ramës Bashës e presidentit moderator. Ai është takim në grup dhe zhvillohet midis katër pjesëmarrësve që janë: Edi Rama, Lulzim Basha, presidenti Bujar Nishani dhe lideri historik i PD-së, Sali Berisha që dëgjon nga xhaketa e Presidentit. /CityNews





Lajmet e fundit nga