web counter
LEXO PA REKLAMA!

SHKARKO APP

App Store
Google Play

Aksident i rëndë në Bulqizë/Plagosen 5 persona

4 Maj 2017, 17:28, Aktualitet CNA

Një aksident i rëndë ka ndodhur në aksin rrugor midis Qytetit të Vjetër dhe Qytetit të Ri Bulqizë, ku një automjet ka dalë nga rruga.
Menjëherë kanë shkuar shërbimet e Policisë Rrugore dhe pas verifikimit ka rezultuar se:

Shtetasi  Aurel H, 19 vjeç, duke drejtuar automjetin me targë  AA 690 HY, sipas deshmisë së tij, dyshohet se për të shmangur një fëmijë që i ka prerë rrugën, ka devijuar mjetin dhe për pasojë ka dalë nga rruga.

Në momentin e daljes nga rruga, ka aksidentuar katër shtetas, ku tre prej tyre ishin fëmijë të cilët ishin duke lëvizur në trotuar dhe konkretisht: U.H, K.J, dhe E. B nga 11 vjeç (të tria vajza) si dhe shtetasin Sh. S,  31 vjeç.

Të katër të aksidentuarit janë dërguar menjëherë në spitalin e Bulqizës ku po marrin ndihmën mjekësore dhe janë jashtë rrezikut për jetën. Gjithashtu është dërguar në spital në Bulqizë për ndihmë mjekësore edhe drejtuesi i mjetit, edhe ky jashtë rrezikut për jetën. Drejtuesi i mjetit pas ndihmës mjekësore, do të shoqërohet në Komisariatin e Policisë Bulqizë, për veprime të mëtejshme./CityNews





Lajmet e fundit nga