web counter
LEXO PA REKLAMA!

SHKARKO APP

App Store
Google Play

Maqedoni/Partia e Gruevskit apelon për lirimin e sulmuesve të Kuvendit

4 Maj 2017, 16:44, Aktualitet CNA

Partia VMRO-DPMNE-ja e kryeministrit Nikolla Gruevski ka apeluar deri tek institucionet të cilët kujdesen për qeverisjen e të drejtës të mos arrestojnë njerëz të pafajshëm duke shpejtuar që të tregojnë ndonjë rezultat për ngjarjet e tmerrshme të cilat ndodhën në Kuvend, theksoi sot në konferencën për shtyp Antonio Milloshoski, anëtar i KE të VMRO-DPMNE-së.Milloshoski theksoi se gjatë ditës së djeshme deri te partia e tyre kanë mbërritur informata se janë arrestuar shumë njerëz të cilët nuk kanë ushtruar kurrfarë dhune ose vepër penale, ndërsa policia i ka mbajtur me orë në stacionin policor.

?Apelojmë deri te ministri i Punëve të Brendshme të mos i tejkaloj këto kompetenca për shkak se një pjesë e tyre kanë marrë edhe paraburgim pa dëshmi elementare se kanë kryer çfarëdo lloj vepre penale ose dhunë. Duhet të kufizohet shumë saktësisht hyrja disaorëshe e disa qytetarëve në Kuvend për shkak të revoltës dhe zemërimit të mbledhur, nga politikat antishtetërore të LSDM-së nga ato procedura jo të punës dhe të tjera të cilat kanë qenë në kundërshtim me procedurat demokratike dhe të kufizohet nga ata individë të cilët pa arsyetim dhe pa kurrfarë pranimi kanë shkaktuar lëndime të rënda trupore deputetëve dhe personave të tjerë të pranishëm në Kuvend?, tha Milloshoski.

MPB-ja dhe Prokuroria, theksoi ai më tej, duhet të jenë të vetëdijshme se që të arrestojnë dhe të nxjerrin para gjykatës dike duhet të kenë dëshmi të fuqishme për veprën e kryer penale. Theksoj se shkaktues i kësaj kryengritjeje popullore është pikërisht LSDM-ja, e cila 60 ditë i injoroi qytetarët dhe mendimin e tyre, protestat e tyre të cilët në mënyrë të qetë dhe demokratike protestonin, i provokonte me fyerje, me fjalë nënçmuese?/ CityNews





Lajmet e fundit nga