web counter
LEXO PA REKLAMA!

SHKARKO APP

App Store
Google Play

Përgjigjet kryeparlamentari Xhaferi/ Sqaron pse e mban në zyrë flamurin shqiptar

4 Maj 2017, 17:59, Aktualitet CNA

Më në fund  kryetari i ri i Kuvendit të Maqedonisë, shqiptari Talat Xhaferi ka sqaruar për mediat serbe dhe maqedonase pse flamuri shqiptar gjendet në zyrën e tij.

Xhaferi sqarimin e ka bërë nga Brukseli, ku ka takuar komisionarin Johannes Hanh. ?Mendoj se askush nuk duhet të ndjehet i kërcënuar nga flamuri, sepse ai është simbol i joni, i përkatësisë sonë dhe, në aspekt institucional, mendoj se flamuri gjendet në vendin e duhur, ku edhe i takon të jetë, ngaqë të gjithë ne identifikohemi me atë gjatë bartjes së funksionit të caktuar?, është shprehur kryetari Xhaferi për agjensinë zyrtare të lajmeve sërbe ?Tanjug?.

Ndërkohë ai ka shtuar se i kupton të gjitha reagimet, por pas ndodhive të 27 prillit (kur u sulmua Kuvendi i Maqedonisë, deputetë e gazetarë), konsideron se të gjithë duhet të kuptojmë se: ?as flamuri e as programet politike të partive shqiptare nuk janë ata të cilat ndikojnë në jetën politike në Maqedoni, sepse janë në pajtueshmëri me Kushtetutën dhe ligjet dhe se nuk cënojnë asgjë?.

Kryeparlamentari i maqedonisë, shqiptari Talat Xhaferi është pyetur edhe për qeverinë e re, duke thënë se është i detyruar ta pres dhjetë ditë presidentin për t?ia dhënë mandatin shumicës së krijuar në Kuvend. Ky sqarim ka bërë që Xhaferi sërish të gjendet në ballinat e mediave kryesore në Serbi./CityNews





Lajmet e fundit nga