web counter
LEXO PA REKLAMA!

SHKARKO APP

App Store
Google Play

KQZ rrëzon skenarin e Prokurorisë për mandatin e deputetit socialist

3 Maj 2017, 13:45, Aktualitet CNA

Komisioni Qendror i Zgjedhjeve ditën e sotme ka vendosur të mos marrë në shqyrtim kërkesën e Prokurorisë së Përgjithshme për heqjen e mandatit të deputetit socialist, Vladimir Kosta. Prokuroria dërgoi këtë kërkesë para një jave nën argumentin se deputeti Kosta nuk ka deklaruar një dënim më gjobë në formularin e dekriminalizimit.

KQZ konfirmoi se në datën 23 mars është marrë një vendim për deputetin Kosta dhe rreth 23 deputetë dhe kryebashkiakë që kanë riplotësuar formularin e dekriminalizimit duke bërë shtesa. Për këto rideklarime ka pasur dhe një rezolutë të Parlamentit.

Kreu i KQZ, Denar Biba tha se kërkesa e Prokurorisë duhet të rrëzohet, pasi çështja është shqyrtuar më parë dhe nuk ka pasur asnjë pengesë për mandatin. ?Një gjë për të cilën është vendosur njëherë dhe është gjykuar njëherë nuk ka më kuptim të rishqyrtohet. Ky është kuptimi bazë i së drejtës?,- tha Denar Biba.

Anëtari i KQZ-së, Gëzim Veleshnja tha se Prokuroria duket se nuk e ka marrë informacionin që KQZ ka marrë vendime të për disa raste në datën 23 prill. Ai propozoi që KQZ ti dërgojë në rrugë zyrtare Prokurorisë vendimin e marrë më datën 23 mars ku jepen sqarimet për këtë raste. Veleshnja tha së kërkesa e Prokurorisë për deputetin Kosta nuk ka asnjë fakt të ri, por është vetëm konfirmim i rideklarimit që vetë deputeti ka bërë në formular.

?Nuk me rezulton se Prokuroria ka sjellë ndonjë informacion shtesë, apo ka bërë ndonjë hetim për ndonjë fakt të panjohur. Propozimi im është që vendimi i marrë në mars nga KQZ, bashkë me rezolutën e Parlamentit ti dërgohet Prokurorisë në rrugë administrative për ti thënë që ne kemi marrë vendim për këtë rast dhe raste të tjera?,- tha Gezim Veleshnja./CityNews





Lajmet e fundit nga