E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Nga Kastriot Myftaraj/Basha ka mbështetjen e Trump për të shtypur insektin politik sorosian Edi Rama, por nuk ka kurajë për skenar ukrainas

26 Prill 2017, 15:19, Aktualitet CNA

Shumëkujt besoj i kujtohet një moment i debatit tim të përjavshëm me Ilir Kullën në emisionin ?Zonë e Lirë? të Arian Çanit në Tv Klan, në 15 prill të vitit të kaluar. Kur po komentonim thëniet e Edi Ramës në CNN kundër Trump (?Trump si turp për qytetërimin dhe rrezik për botën?), unë u shpreha se, sipas një burimi pranë Trump, ky kishte reaguar duke thënë se kur të ishte në Shtëpinë e Bardhë, do ta shtypte këtë insekt politik sorosian.

Nëse do ta kërkoni këtë fragment në faqen zyrtare RTV Klan Youtube, është mundim i kotë. E kanë prerë. Kjo thënie imja u bë shkak edhe për përfundimin e debatit tim të përjavshëm me Kullën në emisionin ?Zonë e Lirë?. Pas kësaj debati vazhdoi edhe për vetëm një javë që të mos binte në sy se u ndërpre pas kësaj deklarate dhe mori fund për shkak të ndërhyrjes le të themi të forcës madhore politike.

Kur Trump hyri në Shtëpinë e Bardhë në 20 janar të këtij viti, kjo për Kryeministrin e Shqipërisë ishte një ditë e ngjashme me 16 janarin e vitit 1945 për homologun e tij piktor, Hitlerin, i cili pikërisht në këtë ditë hyri të banojë në bunker, nga ku nuk doli më i gjallë.

Kryetari i opozitës Lulzim Basha mori mbështetjen e fshehtë të Administratës Trump për ta asgjësuar politikisht Ramën. Si e qysh, këtë duhet ta mendojë Basha i cili ka dorë të lirë për të vepruar. Këtu dua të saktësoj se Basha nuk ka mbështetjen e Trump për të marrë pushtetin tani, por vetëm për të eliminuar politikisht Edi Ramën.

Ambasadori amerikan në Tiranë, z. Lu, gjendet në pozitën e palakmuar të të qenit i pari ambasador amerikan në Shqipëri, qëkurse mes dy vendeve u rivendosën marrëdhëniet diplomatike, në 1991, i cili di për politikën e qeverisë së tij në vendin ku është akredituar, më pak se kryetari i opozitës në këtë vend. Ambasadori amerikan thjesht është udhëzuar që të mos ushtrojë presion ndaj opozitës që kjo të arrijë një marrëveshje me qeverinë.

Qëndrimi befasues i Bashës, i cili refuzoi negociatorët europianë e ka shpjegimin te mbështetja e fshehtë që ai ka marrë nga Administrata ?Trump?. Por, Basha nuk ka guxim që ta përdorë mbështetjen e fshehtë amerikane për të ndërmarrë veprimet e nevojshme për asgjësimin politik të Ramës. Basha ka bërë kërkesat më të skajshme që mund të bëjë opozita para zgjedhjeve, madje tani iu ka paraqitur negociatorëve europianë edhe votimin elektronik si kusht për pjesëmarrjen në zgjedhje, çka do të thotë që praktikisht ka kërkuar shtyrjen e zgjedhjeve vitin e ardhshëm. Basha nuk mund të mos e kuptojë se të tilla kërkesa mund të përmbushen vetëm me një përmbysje politike të dhunshme, të ngjashme me Euromaidan në Ukrainë.

Basha nuk mund të mos jetë i vetëdijshëm se shumica parlamentare ka detyrimin që të respektojë afatin kushtetues për vazhdimësinë e Kuvendit si institucion. Kjo do të thotë se shumica e sotme parlamentare ka detyrim kushtetues të mbajë zgjedhjet parlamentare para 9 shtatorit kur përfundon legjislatura e tashme, domethënë mandati i Kuvendit ekzistues. Kjo për arsye se mandati i Kuvendit nuk mund të zgjatet përtej datës 9 shtator, përveçse me arsyen e pritjes së konstituimit të Kuvendit të ri të dalë nga zgjedhjet, që do të thotë me kushtin që tashmë të jenë mbajtur zgjedhjet. Sipas ligjit zgjedhor në fuqi, që të mbahen zgjedhje para 9 shtatorit, do të thotë që të mbahen deri në fund të qershorit. Edhe shtyrja e zgjedhjeve për në korrik, që u propozua nga negociatorët e huaj, do të kërkonte ndryshime në Kodin Zgjedhor, me shumicë të cilësuar prej 84 votash, pasi periudhat zgjedhore janë përcaktuar atje dhe korriku nuk është një muaj brenda dy periudhave zgjedhore të vitit. Nëse arrihet deri në datën 9 shtator pa zgjedhje, Kuvendit ekzistues i mbaron në çdo rast mandati kushtetues.

Sipas Kushtetutës, Kuvendi është ushtrues i sovranitetit, të cilin e ushtron në emër të popullit. Nëse mbaron mandati i Kuvendit ekzistues pa u konstituar Kuvendi i ri, atëherë praktikisht, nga ana juridike kjo do të thotë që vetëshuhet republika ekzistuese, si një formë e shtetit. Basha mund ta shikojë këtë si një situatë të favorshme për krijimin e asaj që ai e quan ?Republika e re?, por kjo pastaj do të kërkonte një asamble kushtetuese. A është i përgatitur Basha për një skenar të tillë kaq të ndërlikuar? Nëse po, atëherë ai duhet që të veprojë në atë mënyrë që t? ia lerë fajin shumicës parlamentare për këtë kthesë të ngjarjeve. Pra duhet të marrë guximin që të provojë të bëjë përmbysjen politike të dhunshme, të cilën nuk guxon ta bëjë megjithëse ka mbështetje amerikane për këtë skenar./Shkruar për CityNews.al