web counter
LEXO PA REKLAMA!

SHKARKO APP

App Store
Google Play

Cilët ishin drejtuesit e PD që Rama i kërkoi si ministra?

26 Prill 2017, 08:11, Aktualitet CNA

Dje në orët e vona të pasditës, palët politike shqiptare u ulën të ndarë me dy eurodeputetët Knut Fleckenshtein dhe David Mc Alliston, gjithçka në dy ambiente të ndryshme për të bërë të mundur fillimin e negociatave mes socialistëve dhe demokratëve për zgjidhjen e krizës politike në vend.

Siç u raportua nga mediat dhe vetë zyrtarët e BE, kryeministri Rama kishte bërë disa lëshime, ai kishte pranuar edhe 4 ministra demokratë në kabinet deri në datën e zgjedhjeve në cilindo nga ministritë që do të zgjidhte vetë Basha, por kishte vendosur si kriter që ministrat duhet të zgjidheshin prej tij.

Burime i thanë CityNews se kreu i qeverisë Edi Rama kishte të gatshëm disa nga emrat e demokratëve. CityNews mëson se emri i parë që Rama ka kërkuar të ketë në kabinetin qeveritar është miku i tij i vjetër, nënkryetar i PD, Edmond Spaho. Spaho njihet si mik i kryeministrit dhe shpesh Rama në parlament i drejtohet me elozhe duke e vlerësuar këtë drejtues të demokratëve.

Një emër tjetër të cilin Rama e kërkoi në kabinetin e tij qeveritar ishte sekretari organizativ i PD, Eno Bozdo, ish zëvendës  ministër i Ekonomisë në 8 vite qeverisje të demokratëve dhe më pas për dy vite nenkryetar i Bashkisë në Tiranë.

Një tjetër emër që Rama kishte në listën e personave që mund t?i përfshinte në listën e tij është emri i Fatbardh Kadillit, ish këshilltar i Berishës dhe deputet.

Emri i fundit të cilin Rama kishte vendosur të bënte pjesë të kabinetit përkohësisht ishte Grida Duma, Sekretarja për Marrëdhënie me Publikun në PD, e cila ka një lloj afrimiteti me kryeministrin, për shkak të njohjeve dhe afërsive të mëparshme nga miq të dikurshëm.

Këta janë 4 emrat që kreu i qeverisë Rama kërkonte t?i kishte pjesë të kabinetit të tij që mesa duket nuk i mjaftuan Lulzim Bashës për të kapërcyer ngërçin politik, ai së fundi këmbëngul vetëm për qeveri teknike./CityNews





Lajmet e fundit nga