web counter
LEXO PA REKLAMA!

SHKARKO APP

App Store
Google Play

Basha ironizon ofertën e Ramës për 4 ministra/ Qesharake, dhe ëndrra e një nate vere

26 Prill 2017, 11:28, Aktualitet CNA

Kryetari i Partisë Demokratike, Lulzim Basha, nuk e la pa e përmendur ofertën e kryeministrit Edi Rama për t?i dhënë katër ministra, deri në zgjedhjet e përgjithëshme.

Sot Basha e quajti këtë ofertë qesharake dhe për interesa të politikanëve në kurriz të shqiptarëve.

?Kështu funksionon pazari i peshkut të qelbur nga koka, merr ministritë, duan të fusin edhe Lulzim Bashën që të bëjmë pazarin tonë politik e të braktisim ëndrrën e qytetarëve. Kjo është ëndrra e një nate vere. Partia Demokratike dhe unë edhe aleatët tanë jemi të vendosur që të qëndrojmë fuqimisht krah përkrah protestuesve të tjerë, deri në plotësimin total të kërkesave që populli ka shtruar për zgjedhje. Ne nuk duam pushtet në tavolinë, apo poste ministrash, as post Presidenti, asnjë post për të bërë kompromis të ndyrë. Ne nuk kemi kërkuar pushtet në tavolinë. Por Edi Rama refuzon të ndalet nga karrigia e tij, Edi Rama thotë se për 4 javë do të bëjë atë që nuk e bëri për 4 vjet. Mos harroni se për 4 vjet nuk bëri asgjë për drogën, por luftoi orë e minuta për mbrojtur kriminelët që kanë zenë karriget e pushtetit. Ky është një propozim qesharak, po të mos ishim në këto kushte të rënda të vendit do të qeshnim kaq shumë sa do të mbanim barkun nga dhimbjet por nuk është koha për të qeshur se Rama jep 100 milionë euro koncension për Vilma Nushin”, përfundon Basha./CityNews





Lajmet e fundit nga