web counter
LEXO PA REKLAMA!

SHKARKO APP

App Store
Google Play

E fundit!

x

Sherr me armë e grushte në selinë e PS Shkodër/I pranishëm dhe ministri

25 Prill 2017, 20:55, Aktualitet CNA

Ishte parashikuar që të inaugurohej mbrëmjen e së martës, por situata ka precipituar në dhunë fizike dhe deri në nxjerrjen e armëve nga brezi. Situata e paprecedentë ka ndodhur në selinë e re të Partisë Socialiste të Shkodrës pranë poliklinikës. Çdo gjë ka ndodhur ndërsa po zhvillohej një mbledhje, ku i pranishëm ka qenë edhe koordinatori i partisë socialiste për qarkun e Shkodrës, Ditmir Bushati, i shoqëruar nga anëtarët e kryesisë, si dhe drejtuesit e kësaj force politike. Në fund të mbledhjes një nga anëtarët e kryesisë ka thirrur drejtorin e OSHEE- së për veriun e vendit, Ersi Sulejmani, dhe pasi kanë ndërruar disa muhabete e ka qëlluar disa herë në kokë.

Përballë kësaj situate ka tentuar të ndërhyjë një tjetër anëtar, por edhe ky i fundit është qëlluar disa herë, ndërsa situata ka precipituar kur njëri nga të pranishmit ka nxjerrë pistoletën nga brezi. Në këtë moment anëtarët e kryesisë kanë kërkuar ndërhyrjen e policisë e cila ka ndërhyre menjëherë duke shmangur çdo lloj ngjarje të paprecedentë që mund të krijohej.

Pavarësisht ndërhyrjes së policisë deri në këto momente nuk ka asnjë person të shoqëruar ndërsa 3 persona kanë marrë plagë në kokë përfshi këtu edhe drejtorin e OSHEE- së Sulejmanin. Burime nga Partia Socialiste bëjnë të ditur se shkak i kësaj ngjarjeje janë bërë pikërisht pakënaqësitë e akumuluara nga përfaqësuesit e socialistëve në Shkodër, pasi prej muajsh në postet drejtuese të drejtorive kryesore ne Shkoder janë të emëruar njerëz nga Tirana. Kjo ka bërë që pakenaqësitë të vijnë në rritje duke precipituar deri në përleshje fizike./Tv Rozafa





Lajmet e fundit nga