web counter
LEXO PA REKLAMA!

SHKARKO APP

App Store
Google Play

E fundit!

x

Kush janë kandidatët e mundshëm për President?

20 Prill 2017, 18:04, Aktualitet CNA

Mazhoranca e majtë në mbështetje të Kushtetutës ka filluar procedurat parlamentare për zgjedhjen e Presidentit të ri. Dje në datën 19, kryetarja e Komisionit të Ligjeve, znj. Vasilika Hysi, në një deklaratë për mediat, shpalli të ezauruar raundin e parë për zgjedhjen e Presidentit, në garë nuk u paraqit asnjë kandidat.

Menjëherë, Kuvendi njoftoi se ditën e sotme, pra të enjten ishte raundi i dytë. Ilir Meta në drejtimin e seancës, njoftoi sot, ezaurimin e raundit e dytë të zgjedhjes së Presidentit, përsëri pa një kandidat.

Hapa të shpejtë të mazhorancës që shkojnë në një skenar që mund të provokojë zgjedhje të parakohshme. Pra zgjedhjet e parakohshme mund të mbahen para, ose me 18 qershor.

Por paralelisht me skenarët e mësipërm dhe lëvizjet e shpejta të mazhorancës, Edi Rama si gjithmonë ka asët nën mëngë. Në negociatat me Metën diskutohen shpesh edhe emra të mundshëm si kandidatë për presidentë. Vetë Rama tha dje se vendi do të ketë president, ai do të zgjidhet dhe do të ketë një emër që është mbi palët dhe të mund të ushtrojë autoritet, jo si tanët. Disa nga emrat e përfolur janë: Edmond Panariti që mund të jetë një nga kandidaturat e LSI, ish nën kryetar i Bashkisë së Tiranës në kohën e Lulzim Bashës. Një tjetër emër që përflitet nga LSI, është Petrit Vasili edhe ky një ish ministër i qeverisë së Berishës, pra emra të cilët mund të jenë të pranueshëm deri diku edhe për opozitën.

Një emër tjetër që u përfol pak kohë më parë është emri i ministres së Mbrojtjes, Mimi Kodheli, kjo kandidaturë që mund ta bënte presidenten e parë femër në historinë e vendit, por që vështirë që mund të sigurojë mbështetjen e opozitës.

Këto janë emrat që Rama dhe Meta kanë aktualisht si alternativa, por duken më shumë si kandidatura të djegura dhe me shumë gjasa Presidenti i Republikës mund të zgjidhet pas zgjedhjeve./CityNews





Lajmet e fundit nga