web counter
LEXO PA REKLAMA!

SHKARKO APP

App Store
Google Play

E fundit!

x

PS-LSI/ Këta janë skenarët për zgjedhje të parakohshme

20 Prill 2017, 17:06, Aktualitet CNA

Edi Rama, kryeministri i Shqipërisë dhe Ilir Meta, kreu i Kuvendit, prej disa ditësh vazhdojnë retorikën e tyre për zgjedhjen e një Presidenti të paanshëm dhe dinjitoz për figurën e të cilit do të bihet dakord nga të gjitha palët politike madje edhe nga vetë PD.

Mirëpo deri më tani ende nuk ka një kandidat zyrtar nga të dyja palët dhe  intrigat e mazhorancës shkojnë deri në skenarët ekstremë të mosparaqitjes së asnjë prej kandidatëve dhe çuarjen e vendit në zgjedhje të parakohshme.

Rama dhe Meta duke parë qëndresën e Bashës dhe opozitës që kërkon zgjedhje me qeveri teknike, po veprojnë në një tjetër mënyrë për të ushtruar presion mbi opozitën dhe më shumë se një skenar i zbatueshëm, mund të jetë edhe një taktikë politike për ta zënë ?gafil? PD dhe aleatët e saj.

Skenari është i thjeshtë dhe lind nga procedura e zgjedhjes së Presidentit të Republikës. Raundi i parë është ezauruar dhe janë edhe katër raunde. Në rast se mazhoranca ezauron të pestë hapat dhe nuk zgjidhet presidenti i vendit, kalohet në zgjedhje të parakohshme. Wshtë e përcaktuar nga kushtetuta, që zgjedhja e Presidentit të bëhet në 3 raunde me 84 vota dhe më pas në dy raunde me shumicë të thjeshtë me 72 vota. Nëse Presidenti nuk zgjidhet në këto 5 raunde, parlamenti shpërndahet dhe vendi kalon në zgjedhje të parakohshme.

Me shumë gjasa ky është presion i Ramës dhe Metës, pasi çohet vendi ne zgjedhje të parakohshme dhe jo në zgjedhjet e radhës.

Nëse bëhet ky skenar, Presidenti i Republikës pritet të zgjidhet pas zgjedhjeve dhe nga parlamenti i ri./CityNews





Lajmet e fundit nga