web counter
LEXO PA REKLAMA!

SHKARKO APP

App Store
Google Play

E fundit!

x

Vendimi me shkelje të renda/ Rihapet hetimi për gjyqtarin

20 Prill 2017, 16:09, Aktualitet CNA

Inspektorati i Këshillit të Lartë të Drejtësisë ka rihapur hetimin disiplinor për gjyqtarin Altin Abdiu, i cili gjykoi çështjen e vdekjes së Doriana Hakës, bashkëshortes së Alban Hoxhës, për të cilën u shpallën fajtor për mjekim të pakujdesshëm, kirurgu Petrit Rexhepi dhe anestezistja Elona Burba, por që u dënuan vetëm me 4 milion lekë të vjetra gjobë.

Inspektorati është vënë në lëvizje pas ankimimit të këtij vendimi nga i ati të ndjerës, Enver Haka, i cili me dy shkresa të ndryshme ka kërkuar nga Presidenti dhe Ministria e Drejtësisë, verifikim të këtij vendimi. Nëpërmjet shkresave, i ati i Dorianës pretendonte se vendimi i dhenë nga gjyqtari, ndaj të pandehurve Elona Burba dhe Petrit Rexhepi, të dënuar për kryerjen e veprës penale ?Mjekim i pakujdesshëm?, nuk i përgjigjet pasojës së ardhur.

Për këtë arsye ai ka kërkuar nga institucionet përgjegjëse që të marrin në shqyrtim rastin dhe të vlerësojnë procedurën dhe masën e dënimit që gjyqtari Abdiu ka dhënë ndaj dy të akuzuarve. Pasi ka marrë në administrim dy kërkesat e Enver Hakës dhe dokumentacionin që ai dispononte rreth kësaj çështje, Inspektorati ka kryer verifikimin paraprak mbi arsyet që e çuan gjyqtarin Altin Abdiu në këtë masë vendimi dhe për arsyet e tjera që çuan atë në tjetërsimin e vendimit të parë me një dënim me gjobë.

Gjatë hetimit disiplinor, Inspektorati ka vënë re shkelje të rënda të kryera nga gjyqtari Abdiu, ndaj dhe ka kërkuar që ato të verifikohen nga ekspertët duke i ballafaquar me konkluzionet e nxjerra nga Prokuroria, dokumentacionet shtesë, por edhe me dëshmitë e provat që duhet të merren nga personat që kanë dijeni për këtë gjykim.

Nisur nga kjo Inspektorati ka konkluduar se ka vend për fillimin e hetimit disiplinor ndaj Altin Abdiu, me detyrën gjykatës pranë Gjykatës së Rrethit Gjyqësor Tiranë lidhur me vendimin penal nr.4073 datë 21.12.2016. /CityNews





Lajmet e fundit nga