web counter
LEXO PA REKLAMA!

SHKARKO APP

App Store
Google Play

E fundit!

x

Basha në negociata me ndërkombëtarët/Kriza drejt zgjidhjes?

20 Prill 2017, 17:57, Aktualitet CNA

Kryetari i Parisë Demokratike, Lulzim Basha megjithëse qëndron fort në çadër, pa ndalim vazhdon negociatat e tij me faktorët ndërkombëtarë. Komunikimet e kreut të PD janë me eskponentë të lartë të Brukselit, por edhe me politikanë të lartë të Partive Popullore, të cilët po ndërmjetësojnë, kapërcimin e krizës politike në Shqipëri.

Janë disa variante që ofrohen nga ndërkombëtarët si zgjidhje për të kapërcyer krizën që ndodhet në Shqipëri. Së pari ofrohet shtyrja e zgjedhjeve si opsion përreth 3 javë dhe një qeveri tjetër pas 18 qershorit, i cili është afati i fundit kushtetues i qeverisë së kryeministrit Rama, mandatuar nga parlamenti i vitit 2013. Parlamenti mund të zgjedhë, një qeveri tjetër me mbikëqyerjen e ndërkombëtarëve dhe brenda 3 javësh pas 18 qershorit, të zhvillohen zgjedhjet. Në këtë rast opozita kthehet menjeherë në parlament dhe zhvillohet dy procedura siç janë, votimi prej saj i vettingut si dhe zgjedhja e presidentit të ri, i cili do të ketë konsensusin edhe të opozitës.

Megjithëse ka negociata të ethshme dhe variante të ofruara në tryezë, Lulzim Basha nuk ndalet së ushtruari presionin e tij. Ai të hënën ka njoftuar protestën që do të bllokojë rrugët në të gjithë Shqipërinë dhe do të zhvillohet paralel me çadrën.

Ndërkohë, kryeministri Edi Rama qëndron i palëkundur, duke thënë se zgjedhjet do të mbahen me 18 qershor, por ai asnjëherë nuk ka thënë që do të jetë kryeministër deri me 18 qershor./CityNews





Lajmet e fundit nga