E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Drogë dhe armë në Korçë/Arrestohen 3 persona, si bashkëpunonin (Emrat)

20 Prill 2017, 08:14, Aktualitet CNA

Policia e Korçës ka finalizuar me sukses operacionin antidrogë të koduar ?KONTRATA?. Gjatë aksionit janë arrestuar 3 persona dhe shpallur në kërkim 1 tjetër, si dhe janë sekuestruar lëndë narkotike, armë e municione. Aksioni u zhvillua në fshatin Vithkuq, ku u sekuestruan 160 kg drogë, 2 armë zjarri me municion, 1 armë gjahu, si dhe 3 aparatura lojëra fati. Ndërkohë, në pranga kanë rënë shtetasit:

? Janaq Qirici, 52 vjeç, banues në Vithkuq.
? Aldo Kita, 26 vjeç, banues në Korçë, i dënuar më parë për vjedhje.

Arrestimi i tyre u bë pasi, në bazë të disa informacioneve të siguruara në rrugë policore, si edhe gjatë kontrollit të ushtruar në lokalin e shtetasit Janaq Qirici (të cilin ia kishte lënë në përdorim me kontratë qeraje shtetasit Aldo Kita) në vendin e quajtur ?Vaskat e Peshkut?, në afërsi të centralit elektrik në fshatin Vithkuq, konkretisht në pjesën e tavanit u gjet një sasi prej:

23 KG me lëndë të dyshuar si narkotike Cannabis Sativa e vendosur në 10 (dhjetë) thasë plasmasi me ngjyrë të zezë.

Gjithashtu në vijim të veprimeve, gjatë kontrollit të ushtruar në një ambient tjetër bar-kafe në pronësi po të këtij shtetasi, në qendër të fshatit Vithkuq u gjetën:

3(tre) aparatura lojëra fati,
1(nje) arme gjahu pa leje,
2(dy) pajisje grirëse për lëndë narkotike të llojit ?Canabis Sativa?.

Strukturat e Policisë Korçë, kanë vijuar me kontrollin e territorit që mbulon kjo njësi administrative dhe kanë konstatuar e goditur edhe një rast tjetër të prodhimit e shitjes të lëndës narkotike e posedimit të armëve luftarake dhe e municionit.

Si rezultat i këtyre kontrolleve u bë kapja dhe arrestimi në flagrancë i shtetasit:

? Pandeli Dine, 31 vjeç, banues në fshatin Vithkuq.
Si edhe u shpall në kërkim bashkëpunëtori i dyshuar i tij, shtetasi:
? A.H, 24 vjeç, banues në Fier.

Kjo pasi në banesën e Pandeli Dines, shërbimet e Policisë gjetën dhe sekuestruan në cilësinë e provës materiale një sasi prej:

137 KG lëndë narkotike e dyshuar si Cannabis Sattiva e vendosur në 15 thasë plasmasi me ngjyrë të zezë.
2 armë zjarri dhe municion luftarak.
1 (një) autoveturë tip kamionçinë e markës ?Mitsubishi? me targë AA 747 EF.

Materialet hetimore në ngarkim të shtetasve të mësipërm i kaluan Prokurorisë të Rrethit Gjyqësor Korçë për veprat penale ?Prodhimi dhe shitja e narkotikeve në bashkëpunim?, ?Prodhimi dhe mbajtja pa leje e armëve të gjuetisë dhe sportive?, ?Venia ne dispozicion e lokaleve për lojëra të palejuara?, të parashikuara nga nenet 283/2; 280; 198 të Kodit Penal./CityNews