web counter
LEXO PA REKLAMA!

SHKARKO APP

App Store
Google Play

Sistemi po bie/Gerti Bogdani: PS dhe LSI po shkelin Kushtetutën

19 Prill 2017, 20:28, Aktualitet CNA

Mbrëmjen e sotme, deputeti i Partisë Demokratike, Gerti Bogdani i ftuar në një studio televizive ka folur për shkeljen që i bënë sot Kushtetutës, kryeministri i vendit, Edi Rama dhe kryetari i parlamentit, Ilir Meta.

Bogdani tha se sistemi po bie dhe nëse ndodh shtyrja e afateve, atëherë nuk ka më rëndësi asnjë afat, madje edhe data e zgjedhjeve 18 qershor.

”Këtu po shkelin Kushtetutën e vendit. Janë të gatshëm për ta shkelur Kushtetutën e vendit për afatin e regjistrimit të koalicionit. Në qoftë se janë të gatshëm për të bërë këtë dhe për të prishur të gjitha afatet, ku qëndron problemi i datës 18 qershor. Vettingu dhe problemet e vettingut kanë filluar që në shtator të vitit të shkuar dhe protesta ka nisur më 18 shkurt. Nuk ka lidhje në mënyrë absolute.

Është e vërtetë se sistemi këtu po bie. Sistemi i ri i drejtësisë do të jetë i fundit ?check and balance? në Shqipëri. Në qoftë se edhe ky sistem kapet siç është tentativa e kryeministrit, atëherë nuk me më kontroll sistemesh në Shqipëri. Parlamenti praktikisht ka rënë në momentin që është mbushur me kriminel. Ajo që është guri i fundit për ?check and balance? në Shqipëri është reforma në drejtësi.”/CityNews





Lajmet e fundit nga