web counter
LEXO PA REKLAMA!

SHKARKO APP

App Store
Google Play

ZGJEDHJET NË KAVAJË/ Dy rivalë të tjerë përballë kandiatit të PS

19 Prill 2017, 19:30, Aktualitet CNA

Përveç Klodian Shehit, kandidatit të propozuar zyrtarisht nga Partia Socialiste, në garën për të qenë kryebashkiak i Kavajës,  do të jetë edhe një kandidat i pavarur i propozuar nga zgjedhësit. Ai quhet Astrit Haka. Por edhe një i dytë , Maksim Kona, po bën përpjekje për tu regjistruar si garues i pavarur në këto zgjedhje, pa rival opozitar, e të provokuara për tu mbajtur parakohe pas shkarkimit të Elvis Roshit.

Zbulimin e rivalëve të kandidatit të Partisë Socialiste, Klodian Shehi, e ka bërë ?Ballkan Web?, i cili i është referuar përmbajtjes së fletës së votimit që, sipas tij, KQZ do ta miratojë nesër. Ndërkohë që shpreh siguri për miratimin e Astrit Hakës si kandidat garues, duke ju referuar burimeve nga KQZ, ?Ballkan Web?shprehet se për kandidatin e pavarur, Maksim Kona, KZAZ­-ja Nr.42 ka vendosur në 14 prill të mos e regjistrojë për shkak të parregullsive në dokumentacionin e paraqitur.

Po ashtu mësohet se zyrtarisht në zgjedhjet e 07 Majit në Kavajë do të garojnë gjithsej vetëm pesë parti politike, respektivisht Partia Socialiste, Partia Kristian Demokrate, Partia Aleanca për Barazi dhe Drejtësi Europiane si edhe Partia e Unitetit Kombëtar. Partia Demokratike si edhe aleatët e saj e kanë bërë tashmë publik vendimin për të mos marrë pjesë në këtë proces elektoral. /CityNEWS





Lajmet e fundit nga