web counter
LEXO PA REKLAMA!

SHKARKO APP

App Store
Google Play

E fundit!

x

21 Janari 2011/ Strasburgu “ngrin” vendimin, rekomandon  procesit të ri hetimi në Shqipëri

20 Prill 2017, 18:43, Aktualitet CNA

Gjykata e Strasburgut ka pushuar gjykimin e çështjes së 21 Janarit, pas premtimit të qeverisë shqiptare se do të rihapë çështjen e 21 Janarit, deri në gykimin përfundimtar në Shqipëri.

?Gjykata vlerëson se duke parë dakordësinë e paditësve me deklaratën e bërë nga qeveria, çështja duhet konsideruar si një marrëveshje me mirëkuptim mes palëve?, thekson vendimi përfundimtar i Gjykatë Ndërkombëtare të Strasburgut.

Vendimi vjen si një përgjigje edhe për qeverinë Rama, e cila në muajin dhjetor i adresoi kësaj Gjykate një letër,  ku i bënte me dije se ishte e gatshme të rihapte çështjen e 21 janarit, si dhe të negocionte me familjarët e viktimave masën përkatëse të dëmshpërblimit. Kjo letër nënkupton për Gjykatën e Strasburgut, se ajo pushon çështjen në gjykim, derisa të përfundojnë proicedurat në Shqipëri. Pra nuk kemi të bëjmë me një pushim cështje për arsyet e Gjykatës, por një tërheqje të Gjykatës derisa cështja të gjykohet në Shqipëri.

Vendimi i Strasburgut vjen pasi katër familjarët e demonstruesve të vrarë në protestën e 21 janarit 2011 e kaluan çështjen në Gjykatën e Strasburgut, pas marrëveshjes së pajtimit me qeverinë shqiptare, dhe këmbënguljes së tyre se dosja e tragjedisë nuk ishte hetuar në praninë e tyre./Cityneës





Lajmet e fundit nga