web counter
LEXO PA REKLAMA!

SHKARKO APP

App Store
Google Play

E fundit!

x

Video-Policia kontrolle në stane e male/Gjen drogën, por zhduket kryeplaku

19 Prill 2017, 09:22, Aktualitet CNA

Policia e Malësisë së Madhe ka vijuar edhe sot kontrollin për parandalimin e kultivimit të bimëve narkotike. Gjatë një aksioni antidrogë, policia ka asgjësuar 168 fidanë kanabis sativa, duke shpallur në kërkim kryeplakun e fshatit Xhaj dhe proceduar në gjendje të lirë Inspektorit e Shërbimit Pyjor.

Policia ka ushtruar kontroll territori në vendin e quajtur Bjeshkët e Draganit, fshati Xhaj, Njësia Administrative Shkrel, Bashkia Malësi e Madhe.

Si rezultat i kontrollit, në një faqe mali të pyllëzuar është konstatuar një parcelë e ndarë në formë brezaresh, në të cilën kishte të mbjella në tokë në shishe plastike me fundin e tyre të prerë gjithsej 168 fidanë të dyshuar narkotikë, cannabis sativa me lartësi nga 2 deri në 5 cm.

Në lidhje me këtë rast, është proceduar në gjendje të lirë për veprën penale ?Moskallzim i krimit?, e parashikuar nga neni 300 i Kodit Penal, shtetasi:

D. D, 59 vjeç, banues në fshatin Ducaj, Malësi e Madhe, me detyrë Inspektor i shërbimit pyjor, Bashkia Malësi e Madhe.

Si dhe u bë shpallja në kërkim policor për shtetasin:
Rr. P, 61 vjeç, banues në fshatin Xhaj, Malësi e Madhe, me detyrë Kryetar i fshatit Xhaj, për veprën penale ?Moskallzim i krimit?, e parashikuar nga neni 300 i Kodit Penal.

U kryen veprimet proceduriale dhe po punohet për identifikimin dhe kapjen e autorëve të dyshuar.
Materialet proceduriale iu referuan Prokurorisë Rrethit Gjyqësor Shkodër, për veprime të mëtejshme./CityNews





Lajmet e fundit nga