web counter
LEXO PA REKLAMA!

SHKARKO APP

App Store
Google Play

E fundit!

x

PS-LSI “betejë” dhe paqe për ligjin e përgjimeve

19 Prill 2017, 11:55, Aktualitet CNA

I lenë në mes, nga java e shkuar, ligji për përgjigjmet është planifikuar të vijonj sot shqyrtimin  e ndryshimeve në Komisionin parlamentar të ligjeve për ti hapur kështu dritën jeshile të miratimit nga deputetët  në seancën plenare të ditës së enjte.

Edhe pse PD nuk ka qenë pjesëmarrëse në tryezë e javës së shkuar në Komision, mungesa e saj nuk e ka ndalur debatin midis përfaqësuesve të dy forcave politike koalicioniste në bashkëqeverisje, PS-LSI. I gjithë debati lidhej me përcaktimin e kompetencave të institucioneve që duhet të kenë tagrin ligjor të realizimit të përgjimeve.

Deri më sot të drejtë e përgjimit e gëzon Prokuroria e Përgjithëshme, që është dhe poseduesi i pajisjes së përgjimit. Në ligjin e ri parashikohet që kjo e drejtë ti kaloj Gjykatës së Apelit dhe njësisë së re të hetimit SPAK, që do të ketë si fushë të veprimtarisë së saj korrupsionin  e rangjeve të larta.

Por, nga ana tjetër, nuk ka patur fare debat midis përfaqësuesve të PS-LSI në Komision për ndryshimet që i janë bërë ligjit në pikën ku përcaktohen rrethanat dhe vëndet e përgjimit të zyrtarëve nën hetim. Ndërsa ligji i papërpunuar nuk linte asnjë kufizim përgjueshmërie, ky i riu e ngushton përgjimin vetëm në fushën e internetit dhe të telefonave, duke përcaktuar se çdo lloj tjetër përgjimi konsiderohet jo ligjor dhe nuk përbën provë të vlerësueshme nga gjykata./CityNEWS





Lajmet e fundit nga