web counter
LEXO PA REKLAMA!

SHKARKO APP

App Store
Google Play

Plasin furçat në PS/ Veliaj-Ramës, Rama Veliajt

14 Prill 2017, 16:30, Aktualitet CNA

Partia Socialiste ka zhvilluar sot pasdite një takim me ?Profesionistët e Rinj?, ku të pranishëm kanë qenë si kryetari i Bashkisë së Tiranës, Erion Veliaj, ashtu edhe kryeministri i vendit, njëherësh dhe kryetar I PS-së, Edi Rama.

Entuziasmi ka qenë i papërshkruar, kurse ra shumë në sy që, gjatë fjalës së tyre, dy protagonistët e kanë tepruar duke i bërë furça njeri tjetrit. Në fjalën përshëndetëse, pasi e ka vlerësuar nismën: si një mundësi shumë të mirë për të kontribuar për përmirësimin e Tiranës dhe të gjithë Shqipërisë, Erion Veliaj u shpreh i bindur se duke qenë të bashkuar dhe me Edi Ramën kryeministër, mund të realizohen mjaft projekte.

?Pikërisht se nuk jemi ishull është shumë e rëndësishme që të shikosh se kë kemi në krah për të kuptuar që në një familje të madhe, si PS e Shqipërisë, me Edi Ramën kryeministër sot dhe kryeministër nesër, ne mund të bëjmë gjëra që veç e veç asnjë nuk i bën dot?,ka përkufizuar Veliaj, duke përsëritur kështu të njejtat slogane pompuese që lëshuan nga tribuna e mitingut të së enjtes mbrëma, ministrja Xhaçka, Pandeli Majko etj.në adresë të Edi Ramës.

Ndërkohë, nga po i njejti aktivitet, Edi Rama, gjatë fjalës së mbajtur para profesionistëve të rinjë të PS ia ktheu haraçin Veliajt, po me një furçë.

Ndërsa shprehu ambicien për ta bërë Tiranën kryeqytetin me hapësirë më të madhe këmbësore në Europën lindore, Rama tha se këtë mund ta bëjë vetëm Lali Eri dhe jo xhaxhi Luli.

?Është një ambicie që gjithëkush mund ta definojë në letër, ama jo të gjithë mund ta bëjnë realitet. Duhet lali Eri dhe jo xhaxhi Luli. Me lali Erin ka punë me xhaxhi Lulin ka gjumë. Xhaxhi Lulit kur i del gjumi fillon dhe bërtet, duket sikur do zgjedhje të lira por në fakt do gjumë, rehatllëk, që të mos i prishë njeri terezinë??, ka artikuluar Rama./CityNEWS  





Lajmet e fundit nga