web counter
LEXO PA REKLAMA!

SHKARKO APP

App Store
Google Play

Gomonia me 600 kg drogë/Policia shqiptare përgënjeshtron italianët: Ja kur u kap

14 Prill 2017, 12:55, Aktualitet CNA

Policia e Shtetit ka reaguar për lajmin e publikuar sot në mediat italiane dhe ato vendase për kapjen e një sasie droge rreth 60 milje larg Barit, në Itali.

Mediat raportuan sot për kapjen e 600 kg drogë në një gomone, ku në pranga ranë dy trafikantët shqiptarë.

Ndërkohë, në një reagim të sajin, policia shqiptare hedh poshtë pretendimin e kolegëve fqinjë, duke thënë se kjo gomone është kapur që më datë 1 prill të 2017.

Ja reagimi i plotë:

Gomonia me 590 kg Cannabis Sativa, ku u arrestuan dy shtetas shqiptarë, e dhënë sot në media është ndaluar më datë 1 Prill 2017, gjatë një operacioni të përbashkët të Policisë së Shtetit dhe Policisë Italiane.
Mbi bazën e një informacioni të marrë në rrugë operative, gjatë mbrëmjes së datës 31.03.2017 shërbimet e Policisë së Shtetit kanë sinjalizuar për një mjet lundrues të dyshimtë.
Për ndjekjen dhe kapjen e gomones u organizua operacioni i përbashkët i Policisë së Shtetit me shërbimet e Policisë italiane në Shqiperi, Guardia di Finanza në Durrës dhe Guardia di Finanza në Bari. Si rezultat, rreth orës 05:00 të datës 01.04.2017, rreth 60 milje larg Barit – Itali u bë e mundur kapja dhe sekuestrimi në det të hapur i mjetit lundrues tip gomone, 10 m e gjatë, me dy motorë Yamaha x 350 kf.
Në bordin e saj ndodheshin dy skafistë shtetas shqiptarë:
R.H., 36 vjeç nga Vlora dhe B. D. , 25 vjeç nga Kavaja, të cilët për t?i shpëtuar ndjekjes së Policisë e hodhën lëndën narkotike në det.
Pas rekuperimit të lëndës narkotike në det nga GdF rezultoi një sasi prej 590 kg lëndë narkotike e llojit cannabis sativa.
Informacioni për këtë ngjarje jepet sot më datë 14.04.2017 pas dhënies së miratimit nga Gjykatësit e çështjes pasi ngarja ishte ende në hetim.
Rastet e fundit janë dëshmi e një veprimtarie të përbashkët policore të dy vendeve edhe në hetimin tyre.
Dy skafistët kishin hedhur drogën në det dhe u desh një kohë e gjatë për dokumentimin e provave para gjykatësit Italian për konvalidimin e urdhër-arresteve./CityNews





Lajmet e fundit nga