web counter
LEXO PA REKLAMA!

SHKARKO APP

App Store
Google Play

E fundit!

x

Alarmi/Përdorimi i zgjatur i antibiotikëve e rrit rrezikun e kancerit për 73%

12 Prill 2017, 20:08, Aktualitet CNA

Nëse jeni duke marrë antibiotikë 15 ditë apo më gjatë, rreziku i kancerit të zorrëve mund të rritet deri në 73 për qind, thuhet sipas një studimi.

Shkencëtarët kanë zbuluar se përdorimi afatgjatë i antibiotikëve rrit rrezikun e zhvillimit të polipeve, indeve të zgjatura të vogla në murin e zorrëve dhe që mund të bëhen kanceroze.
Nëse merrni ilaçe në të dyzetat dhe të pesëdhjetat, situata është më me rrezik se në të njëzetat dhe të tridhjetat.

Këto rezultate kanë konfirmuar teorinë se bakteret e zorrëve luajë një rol kyç në parandalimin e kancerit.

Edhe pse në përgjithësi antibiotikët përshkruhen për një javë, kushte të tilla si puçrrat apo tuberkulozi mund të kërkojnë trajtim afatgjatë.

Kërkuesit studiuan të dhënat për më shumë se 16.000 gra mbi 60 vjeç. Vetëm dy muaj të përdorimit të antibiotikëve në mes 20 dhe 39 vjet rrit rrezikun e zhvillimit të polipeve me 36 për qind. Gratë që marrin antibiotikë në të dyzetat dhe të pesëdhjetat kanë një rrezik 69 për qind më të lartë se gratë që nuk përdorin ilaçe.

Në katër vitet e fundit, përdorimi i antibiotikëve nuk është lidhur me rrezikun e zhvillimit të polipeve, por këto rezultate sugjerojnë se, në qoftë se ky studim konfirmohet nga studime të tjera, përdorimi i antibiotikëve duhet të jetë rreptësisht i kufizuar, thonë shkencëtarët. Megjithatë, është theksuar se është e nevojshme për të kryer kërkime të mëtejshme dhe se njerëzit nuk duhet të ndalojë përdorimin e antibiotikëve që tani janë duke i përdorur.

Numri i polipeve që bëhen kanceroze nuk është i njohur, thanë studiuesit./CityNews





Lajmet e fundit nga