web counter
LEXO PA REKLAMA!

SHKARKO APP

App Store
Google Play

E fundit!

x

Lu-Vlahutin mbyllin gojën për krizën/Ku janë fshehur?!

12 Prill 2017, 19:01, Aktualitet CNA

Prej më shumë se 50 ditësh Shqipëria është përfshirë në një krizë politike, e cila thellohet çdo ditë e më shumë. Partitë opozitare janë ngujuar në një çadër mes dy institucioneve më të rëndësishme në vend, Kryeministrisë dhe Parlamentit, duke kërkuar qeveri teknike për zgjedhje të lira e të ndershme.

Nga ana tjetër, edhe vetë udhëheqësit e këtyre dy institucioneve, që janë dhe dy liderët e koalicionit qeverisës, Edi Rama dhe Ilir Meta, po kalojnë një periudhë të tensionuar. Në prag të zgjedhjeve të 18 qershorit, kriza ka përfshirë edhe dy liderët e koalicionit, të cilët janë në një ?luftë? të ashpër për vijimin e ?martesës? PS-LSI, ose ndarjen dhe futjen e secilës parti më vete në zgjedhje.

Por, asnjëra prej këtyre çështjeve nuk është më e rëndësishme se heshtja e ambasadorëve, Donald Lu i SHBA dhe Romana Vlahutin E BE. Të gjithë jemi mësuar tashmë, që për çdo rast, për çdo ngjarje politike, të rëndësishme apo jo, të dëgjojmë fjalën e ambasadorëve.

Deri dje, Lu dhe Vlahutin shiheshin si dy ?shenjtorët?, që do t?iu jepnin fund halleve të shqiptarëve dhe të gjitha problemeve të tyre. Por, çuditërisht ata kanë mbyllur gojën, janë zhdukur nga çdo ekran televiziv, dhe vazhdojnë jetën të qetë në ?vilat? e tyre, pa u shqetësuar aspak nga gjithçka po ndodh në vend.

Jo vetëm kriza politike dhe përplasjet e ashpra mes palëve, por as akuzat e ashpra të hedhura ndaj tyre ditët e fundit duket se nuk iu bëjnë përshtypje diplomatëve të lartë, të cilët kanë mbyllur gojën përballë kësaj situate, duke zgjedhur që këtë radhë të bëjnë ?vëzhguesin? e heshtur./CityNews





Lajmet e fundit nga