Ilir Meta paguan lobingje ndërkombëtare me financime të paligjshme/Adriatik Llalla hesht!

9 Prill 2017, 14:10, Aktualitet CNA

Ilir Meta ka shkelur ligjet shqiptare, nuk deklaron burimin e parave për financimin e partisë që drejton, LSI, dhe lobimin në funksion të kësaj partie. Pikërisht në momentin kur partnerët tanë ndërkombëtarë, si dhe organizmi monitorues i zgjedhjeve OSBE/ODIHR e kanë vënë theksin tek vënia nën fre e financimeve të paligjshme të partive politike, LSI e Ilir Metës, partia e dytë e mazhorancës qeverisëse në vend, vetëm për një aktivitet nuk deklaron 2/3 e shpenzimeve në KQZ. Çka lë për të dyshuar se 2/3 e gjithë shpenzimeve të kësaj partie janë në të ?zezë?. Vetëm për kaq Adriatik Llalla, Prokurori i Përgjithshëm duhej të kishte filluar hetimin dhe vënien nën akuzë të Ilir Metës si kreu i LSI siç e parashikon ligji. Madje dhe KQZ nuk duhet të heshtë. Më konkretisht, faktet i ka zbardhur media e pavarur, në fillim ajo që nuk e ka qendrën në Shqipëri. ?BIRN? ka siguruar të dhëna që tregojnë se LSI është treguar e pakursyer për kompaninë e saj lobuese në Uashington, por shumica e shpenzimeve nuk janë raportuar në KQZ, duke ngritur hije dyshimi mbi burimin e parave. Të dhënat e siguruara nga BIRN në Departamentin e Drejtësisë në SHBA tregojnë se gjatë vitit 2016, LSI ka bërë pagesa në vlerë 267,804 USD për kompaninë e saj të lobimit në Uashington, Global Security and Innovative Strategies, GSIS.

Pagesat përfshijnë tarifën mujore fikse prej 30,000 USD për kompaninë amerikane si dhe rimbursim të shpenzimeve, që kjo e fundit ka bërë gjatë përfaqësimit të interesave të liderëve të LSI-së pranë kongresit të SHBA-ve dhe administratës amerikane. Shumat e paguara për GSIS-së i kanë siguruar liderëve të LSI-së takime të nivelit të lartë në Uashington. Megjithatë, LSI ka dështuar t?i raportojë të gjitha shpenzimet e kryera për llogari të kompanisë amerikane në raportin vjetor financiar të administruar nga KQZ për vitin 2016, çka ngre dyshime për origjinën e parave dhe përbën shkelje ligjore. Të dhënat e siguruara nga BIRN tregojnë se shpezimet e raportuara nga LSI në KQZ nën zërin konsulenca për vitin 2016, janë tre herë më të vogla se pagesat që ajo ka bërë për GSIS. E kontaktuar nga BIRN, LSI nuk iu përgjigj deri në botimin e këtij shkrimi një kërkesë për koment mbi mosraportimin e plotë të pagesave të bëra për lobuesin amerikan dhe gjithashtu nuk sqaroi origjinën e parave me anë të të cilave GSIS është paguar?, është esenca e lajmit të botuar nga kjo agjenci dhe e përcjellë nga një pjesë e mediave shqiptare që ende nuk janë blerë nga Ilir Meta.

Pra e shkruar ?e zeza mbi të bardhë? që vetëm në një aktivitet, atë të lobimit të Metës në SHBA me kompaninë e tij lobuese, nga 300 mijë euro që përmban kontrata dhe që është paguar një më një nga financat e LSI, në KQZ ka deklaruar 1/3 e tyre ose 100 mijë euro. Imagjino takimet dhe spektaklet luksoze që po zhvillon Meta me rininë, LSI nga Metropoli Tiranë, qytetet e mëdha të vendit e deri dhe në fshatrat më të humbura të Shqipërisë, sa kushtojnë dhe sa janë deklaruar në KQZ. Adriatik Llalla vijon të heshtë, KQZ hesht, ndërkohë që të gjithë e kanë marrë vesh tashmë se përse Ilir Meta është kundër reformës në drejtësi, kundër ndërkombëtarëve dhe pse e mban në këmbë çadrën e PD. Ai në çdo hap që hedh shkel ligjet, vjedh dhe abuzon me pushtetin./Pamfleti.com