Pafytyrësia e Koço Kokëdhimës/ Dje armik i Berishës dhe PD, sot “interlokutor” i zgjidhjes

9 Prill 2017, 10:24, Aktualitet CNA

Dje, ish deputeti mandate-hequr Koço Kokëdhima ka konsumuar një bisedë me kryetarin e PD, Lulzim Basha. Në pamje të parë duket sikur këtu nuk ka asgjë për tu kundërshtuar. Pasi edhe pse Koço Kokëdhima i përket krahut politik kundërshtarë me PD-në, një takim me kundërshtarin politik për ti dhenë zgjidhje situatës së kriës vlerësohet mëse normal. Dhe është i tillë, por jo për biznesmen-politikan të llojit Koço Kokëdhima, që për hatër të interesave të biznesite dredhin bishtin, sa andej këndej, në vartësi të leverdisë finaciare. Vërtetë që sebepi i takimit Basha-Kokëdhima, i kërkuar nga ky i fundit, ka qenë dialogu për të dhenë zgjidhje, po Koços as që i rreh fare për ngrirjen e dialogur PS-PD e as për zgjedhjet. Zgjidhja e krizës Koços i intereson thjesht e vetëm për interesin e tij. Për të zgjidhur vetmin e tij të madhe, pas dhënies së duarve nga Edi Rama, me të cilin do të kalonte pleqërinë në Qeparo.

Është pikërisht ky interes që e ka bërë Koço Kokëdhimën të lëpijë ato çka ka pështyrë kundër lidershipit të nderit të PD-së, dhe të shtrëngojë duart me Lulzim Bashën, ndërkohë që për partinë që ai drejton ka artikuluar njëmijë e një të zeza, kur ishte në krah të Edi Ramës. Por lumë me pështyma ka hedhur Kokëdhima, edhe në adresë të Sali Berishës.

Në nisje të seancës parlamentare, shtator 2013, deputeti I listës së Edi Ramës, Koço Kokëdhima, i?u drejtua ish kryeministrit Berisha: ?Ti Sali, erdhe në politikë i varfër dhe thirre edhe njerëzit e tu, po të varfër, për t?u pasuruar me pushtetin. Unë erdha në politikë i pasur dhe nuk erdha për të bërë pasuri për vete, por për popullin dhe qytetarët. Unë nuk kam frikë nga askush, ti ke frikë nga to që ke bërë në pushtet?.

Në seancën parlamentare të 25 prillit 2014 po ky Koço, i paprishur ende me Ramën, derdhi ndër të tjera këto fraza ndaj Sai Berishë. ?Unë ju them kështu zotëri, se, sigurisht që ju e latë këtë popull pa atdhe dhe e bathorizuat gjithë bregdetin e vendit. Ju jeni përgjegjës për kontrollin e territorit dhe për zhvillimin e territorit. ? Zotëria këtu, i mori pasuritë e naftës popullit shqiptar dhe asnjë të ardhur nuk përfitoi buxheti i shtetit e populli shqiptar nga pasuritë e veta nëntokësore. U?a dha zotëria, të gjithë atyre me të cilët ndante interesat..?.

Në një tjetër seancë plenare, dt. 26 shkurt 2015, Kokëdhima i ka bërë të qartë Berishës se i ka qëndruar dhe do ta ketë gjithmonë përballë, ndërkohë që 07 shtator 2015, në seancën e parë të sesionit plenar të Kuvendit e kishte fyer rendë kur i kish derdhur frazat: ?Je kokrra e gënjeshtarit!? Në dt. 07 tetor 2015, po në një debat seance parlamentare e kish akuzuar rendë Berishën me frazën: ?Ngrite shkallët e karrierës përmes kufomave…?, kurse në 05 nentor 2015,do ti bënte me dije:? Je i vdekur, ta dish, kufomë, i mallkuar!? Dhe ja në 07 nëntor 2015 Kokëdhima e vlerëson me këto fjalë Berishën:? Je babi i krimit, vepron kundër atdheut?!?

Mund të citojmë edhe dhjetra e dhjetra fragmente të tjera të këtij lloji, që Koço Kokëdhima ia ka adresuar PD-së, të cilën Sali Berisha e ka udhëhequr për vite e vite me rradhë, si dhe këtij të fundit. Por po e lemë deri këtu, pasi janë të mjafta për të pyetur Kokëdhimën: Kur PD dhe Berisha veprojnë kundër atdheut, përse zotrote merr mundimin dhe takon kryetarin e kësaj partie për të dhenë zgjidhje?/ CityNEWS