E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Zbardhet takimi /Për çfarë ranë dakord Basha-Kokëdhima

8 Prill 2017, 17:53, Aktualitet CNA

Drejtuesi i lëvizjes ?Zgjidhja?, Koço Kokëdhima, u takua sot me kryetarin e Partisë Demokratike, Lulzim Basha. Në qendër të takimit që zgjati 75 minuta ishin zhvillimet politike të ditës, si dhe propozimet që kanë bërë të dy politikanët për tejkalimin e krizës, nisjen e dialogut politik mes palëve dhe shkuarjen drejt një procesi elektoral të lirë dhe të sigurtë. Z.Kokëdhima vlerësoi se dialogu është shumë i rëndësishëm në Shqipëri dhe se palët duhet të takohen për të biseduar, pa asnjë kompleks, për fatet e vendit, i cili po përjeton një krizë të thellë politike. Kjo krizë ndikon për keq edhe në ekonominë kombëtare.

Te dy palët shfaqën mendimin se Shqipëria duhet të bëjë zgjedhje të lira e të ndershme, me standarde të njëjta me demokracitë europiane. Zoti Kokëdhima e ftoi zotin Basha të distancohet haptazi nga krimet elektorale të Partisë Demokratike ne vitet e shkuara siç ka ftuar edhe lidershipin e Partisë Socialiste të bëjë të njëjtën gjë.

Z.Kokëdhima, në fjalën e tij, vlerësoi arritjen e një kompromisi parimor, sepse Shqipëria ka vuajtuar nga flirtet mes palëve në të shkuarën. E tillë ishte marrëveshja e prill 2008 për ndryshimin e procesit zgjedhor.

Z.Kokëdhima e ftoi z.Basha që të pranojë propozimin e lëvizjes Zgjidhja që administrata zgjedhore të mos jetë më dypartiake. Z.Basha shfaqi mendimin se me një sistem të sigurtë të votimit elektronik, është një mundësi reale që edhe administrata zgjedhore të departizohet.

Të dy bashkëbiseduesit vlerësuan se është urgjente një zgjidhje politike, ndërsa të hënën skadon edhe afati i fundit i rregjistrimit të partive politike në KQZ për zgjedhjet parlamentare të 18 qershorit. Ashtu si më parë, drejtuesi i lëvizjes Zgjidhja theksoi se nuk mund të ketë zgjedhje pa opozitën, ndërsa nga e tij z.Basha e vlerësoi këtë qëndrim të mbajtur nga z.Kokëdhima.

Të dy bashkëbiseduesit ranë dakort se është i nevojshëm dhe plotësisht i mundshëm implementimi i votimit elektronik në qendrat e votimit, duke dhënë garanci maksimale për ruajtjen dhe nga trafikimi i votës dhe deformimi i vullnetit të votuesve. Shtyrja e zgjedhjeve për në vjeshtë krijon kushtet që të përgatiten kushtet dhe infrastruktura e nevojshme për të mundësuar një proces votimi dhe numërimi që do të fusë Shqipërinë në vendet që bëjnë zgjedhje të lira dhe demokratike.

Z.Kokëdhima përsëriti se zgjidhje do të jetë krijimi i një qeverie të shumicës së majtë që të garantojë besimin te një proces zgjedhor i sigurtë, ndërsa z.Basha përsëriti se zgjidhje për PD-në është një qeveri teknike me figura që nuk kanë lidhje me politikën.

Z.Kokëdhima i bëri thirrje z.Basha që t?i bashkohet nismës politike qytetare ?Unë zgjedh deputetin që dua?, duke futur në partinë që ai drejton zgjedhjet paraprake (primaret) për kandidatët për deputetë, kandidatët për kryetarë bashkie dhe për këshilltarë, duke ia kthyer kështu votuesit të drejtën e mohuar nga kryetarët e partive.

Të dy palët ranë dakort se mafia e kanabist dhe lidhjet e saj me zyrtarët e qeverisë janë një kërcënim për vendin dhe për standardet e zgjedhjeve dhe pushtetin që do të krijohet pas zgjedhjeve parlamentare./CityNews