web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI/ Ndryshimet në KPP u bënë fshehurazi

8 Prill 2017, 17:23, Aktualitet CNA

Ndryshimet në Kodin e Procedurës Penale (KPP) të votuara në seancën plenare të datës 30 mars 2017, me votat unanime të deputetëve të mazhorancës, janë bërë në fshehtësi të plotë. Pa u konsultuar me ekspertë të shoqërisë civile dhe ?rebelë? të fushës së jurisprudencës, por edhe duke mospërfillur variantin që u është rekomandura nga BE dhe misioni EURALIUS.

Lajmin e ka bërë të ditur Brisida Gjikondi, aktiviste e shoqërisë civile, e cila i ka etiketuar ndryshimet si ?amnisti për klasën e korruptuar politike?.

Pas protestës së paradites, para presidencës, Gjikondi ka qenë e prezente në emisionin e mbrëmjes:?Kjo javë?, të  TV-Neës 24, ku, ndër të tjera, u shpreh se ndryshet e bëra, veçanërisht, në nenin 449 të KPP varrosin njeherë e mirë gjithçka kriminale që ka mbjellë politika. Mbyllin dosjet e krimit dhe nuk lejojnë hapjen e tyre, ndonëse mund të dalin prova të reja.

?Ndryshimet në KPP janë bërë në rrugë të fshehtë, pa transparencë. Ato nuk u shoqëruan me asnjë dokumentacion argumentues, ndërkohë që u hodh poshtë varianti i EURALIUS/ BE?,  zbuloi Gjikondi, që, në shpjegim të përmbajtjes së variantit EURALIUS/BE tha se sugjerimet e tyre sillnin standartin europian të drejtësisë. Mbyllnin çdo shteg për të manipuluar drejtësinë. Madje për Gjikondin ndryshimet e miratuara nga Parlamenti bien në kundërshtim me Konventat e të Drejtave të Njeriut, që nuk e mbyll por e lejon kërkimin e të drejtës dhe rihapjen e çështjeve, kur për to paraqiten fakte të reja. Për këtë arsye ndryshimet,veçanërisht në nenin 449 të KPP janë në cënim të të drejtës humane./ CityNEWS  





Lajmet e fundit nga