Nga: Xhovani SHYTI/ A do të hetohet LSI e Ilir Metës për fshehje të financimeve

6 Prill 2017, 18:05, Aktualitet CNA

Sipas një lajmi të fundit merret vesh se LSI, forca politike e Ilir Metës ka bërë pagesa në vlerë 267,804 USD për kompaninë e saj të lobimit në Uashington, ?Global Security and Innovative Strategies, GSIS?.

Pagesat përfshijnë tarifën mujore fikse prej 30,000 USD si dhe rimbursim të shpenzimeve, që kjo kompani amerikane lobimi ka bërë gjatë përfaqësimit të interesave të liderëve të LSI-së pranë Kongresit të SHBA, por dhe administratës amerikane.

Deri këtu gjithçka duket të jetë korrekt, pasi nuk ka ligj që e ndalon LSI-në apo ndonjë parti tjetër që me fonde legale të deklaruara të paguaj lobist, këshillues, këshilltarë, ngatërrestarë e martestarë politik. Mjaft që këto ti deklarojë në bilancet vjetore dhe gjithçka është konform ligjit të transparencës, që ka hyrë në fuqi në vitin 2009, dhe për herë të parë është implementuar në vitin 2016. Vit kur edhe LSI, sikurse simotrat e saja parlamentare kanë dorëzuar pranë KQZ bilancet financiare vjetore. Madje ndryshe nga to LSI e komentoi këtë veprim si fakt që tregonte sesa të pastra i ka sirtarët e parave kjo parti, që masivisht akuzohet për të kundërtën.

Mirëpo kur lajmi i pastërtisë financiare të LSI pothuajse ishte harruar, rrjeti ballkanik i gazetarisë investigative (BIRN) ka plasur lajm-bombën që e rikthen në pikën zero sinqeritetin e LSI.

Së bashku me lajmi se: Shumat e paguara për GSIS-së i kanë siguruar liderëve të LSI-së takime të nivelit të lartë në Uashington?, BIRN sqaron se: LSI ka dështuar t?i raportojë të gjitha shpenzimet e kryera për llogari të kompanisë amerikane në raportin vjetor financiar të administruar nga KQZ për vitin 2016, çka ngre dyshime për origjinën e parave dhe përbën shkelje ligjore.

Duke qenë kështu, pra që LSI e Ilir Metës, ka vepruar në kundërshtim me ligjin, organeve kompetente i lind e drejta e nisjes së hetimit për të vërtetuar jo vetëm nivelin e implikimit të LSI-së me këtë aferë, por edhe burimin e vërtetë të ardhjes së këtyre shumave maramendëse.

Sepse është e pabesueshme që ato të rrjedhin vërtetë nga kuotat që paguajnë anëtarët e kësaj partie, sikurse rëndom lidershipi i saj ka deklaruar. Pra a do të ketë nisje hetimesh për rastin në fjalë të pagesës 267,804 USD?/ CityNEWS