E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

“Paqen” PS-LSI e vendosi amnistimi i Ilir Metës

4 Prill 2017, 05:15, Aktualitet CNA

Pasi pasditen e të dielës, deri në pasmesnatë, dy kryetarët e dy partive të majta koalicioniste në bashkëqerisje, përkatësisht Edi Rama, i PS dhe Ilir Meta i LSI, darkuan së bashku me peshk, ngjala e fruta deti, të hënën situata e marrëdhënieve midis këtyre partive dukej paqësore. Madje nuk e teprojmë po ta etiketojmë si tepër-tepër e paqtë. A thua se kurrë midis tyre nuk kishte patur përplasje, a thua se i kishim rrenë kot më qafë, kur i kishim etiketuar si dy parti shemra brenda të majtës.

Paqësor u duk Edi Rama, kur doli para mediave për të komunikuar darkën bashëbiseduese. Tepër paqësor ishte dhe Ilir Meta, fytyra e të cilit për të parën dukej e relaksuar, dhe po paqësor e i pakarikuar me pakënaqësi ndaj PS u shfaq para ekraneve Luan Rama, kryetari i grupit parlamentar të LSI. Por edhe të tjerë lësëistë e pësëistë që deri dje sulmonin e kunjosnin njëri-tjetrin.

Shkurt: darka e vontë e punës në atë lokal peshku tek ?Pazari i ri? midis Ramës e Metës u duk fare hapur se kishte lindur epokën e re të dashurisë midis ish shëmrave, për arsye të? peshkut të shijshëm, ngjalave, prodhimeve të detit, verës apo??!

Arësyeja mbeti dhe vijon të mbetet ende enigmë, kurse media shpërtheu duke përsëritur arritjen e një marrëveshjeje të dytë bashkëkoalicioniste në zgjedhjet e pritëshme të 18 Qershorit dhe në bashkëqeverisje. Fakt që nuk e konfirmoi as njeri e as tjetri drejtëpërdrejtë, kurse në mesditën e të hënës Luan Rama i?a faturoi si lajm të stisur mediave. Pasi, sipas tij, nuk kishte ende një marrëveshje të tillë midis PS dhe LSI etj. Që, sipas Ramës don të thotë se darka Rama-Meta nuk kishte pjellë ndonjë pozitivitet në këtë pikë.Se ajo kishte qenë thjesht dhe vetëm nxemje për atë që mund të vij më pas etj.,etj. Po atëherë, kur nuk kishte një dakortësi tjetër për bashkë qeverisje në katër vitet e ardhëshme, cila ishte arsyeja e shkrirjes së akujve midis PS dhe LSI? Çfarë ishte darka me peshq e ngjala, cili ishte sebepi?

Të prononcuar për CityNeës, burime të afërta me kabinetet e liderëve të të dyja partive në koalicion, sfidueshëm e komentuan paqtimin midis ish dy shemrave të majta, duke e nxjerrë diskutimin përtej këndvështrimit politik. Sipas informacioneve të tyre të rezervuara, arsyeja e vendosjes së paqes PS-LSI nuk qëndron tek dakortësia e vijimësisë së marrëveshjes të lidhur në 2013, dhe as tek ndonjë motivë tjetër politike. Darka e të dielës ka qenë vetëm me konotacion pragmatist. Thjesht festë, me rastin e miratimit me 84 votat unanime të maxhorancës parlamentare të ndryshimeve në Kodin e Procedurës Penale. Ndryshime këto që e nxjerrin përfundimisht jashtë pëgjegjësive penale Ilir Metën. Që nuk e lejojnë rihapjen e çështjes për të rihetuar ndaj videos së realizuar nga ish ministry Dritan Prifti, ku zoti Meta dukej açik tek rekomandonte afera korruptive.

Kjo nuk është e sigurt por thonë se falë presioneve dhe sulmeve të shtuara ndaj PS-së dhe Edi Ramës, Ilir Meta ja doli ta detyroj këtë të fundit t?i urdhëroj deputetët e vet jodashmirës ndaj LSI-së dhe Metës, që, kundër dëshirës së tyre, ti votojnë në unanimitet ndryshimet në Kodin e Procedurës Penale. / CityNEWS