E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Kurthi i Metës për Bashën dhe PD

3 Prill 2017, 20:56, Aktualitet CNA

Kreu i LSI, Ilir Meta, më një dalje në mbrëmje turbulloi paksa ujrat e politikës. Meta, tha se ishte gati për koalicion me PS, por kërkoi garanci për zgjedhjet të cilat do i afroheshin opozitës. Sipas Metës, Basha dhe Rama duhet të ulen për zgjidhjen.

Në fakt Ilir Meta bëri atë që ka thene ish-kryeministri Sali Berisha pak kohë më parë, ?Meta i dredh dhe rumbullakos fjalët?. Me daljen e tij ai ngriti kurthin e rradhës për PD, kjo për një fakt të thjeshtë. Kreu i LSI tha garanci elektorale dhe ofroi edhe ministrat e tij të bujqësiusë apo transporteve si garanci për zgjedhjet. Tallje publike asgjë më shumë.

Zgjidhja e krizës është më e thjeshtë se lojrat politike të Ilir Metës, ato janë të pavlera. Meta del nga qeveria, qeveria bie, shkohet në qeveri teknike dhe kriza kalohet, por kreu i LSI nuk bën këtë veprim, ai përpiqet të gjejë garancitë.

A mund të ketë PD dhe opozita garanci nga fjala dhe lojrat e Ilir Metës? Në cdo rast PD dhe Basha do ishin të humbur. Mazhoranca gjithcka e bën thjesht për ta tërhequr në zgjedhje opozitën dhe më pas sigurojnë fitoren dhe mirupafshim.

PD nuk duhet të bjerë në kurthin e Metës. Ky i fundit nuk mund të jetë garancia. Ai luan për të dalë si negociatori dhe zgjidhësi i problemeve të palëve. Në fakt vetë Meta, është problemi pasi ai e mban në këmbë qeverinë që e sulmon cdo ditë, por sot i tha Ramës, të kam sharë por vij me ty, vetëm fute edhe Bashën në zgjedhje.

Pra Meta kërkon të ketë meritat e njeriut konsensual dhe zgjidhësit të krizave, sic veproi me reformën në drejtësi. Ai sulmoi dhe sabotoi reformën me pas e votoi i pari dhe doli si konsensuali. Ai është njeriu kryesor që mbështeste cadrën dhe thellimin e krizës për të pasur përfitime politike dhe elektorale. Kreu i LSI po luan me letra të hapura për të ngritur LSI ende më shumë në përfaqësim politik. Për të zgjeruar më tej pushtetin e Cetës të tij në zgjedhjet e ardhshme, duke tentuar maksimalizimin e mandateve politike, me synimin të bëhet kryeministër.

PD tashmë duhet ta lexojë qartë ?tradhëtaren? LSI dhe nuk duhet të pranojë garancitë e Metës, as të besojë lojrat e fjalëve, por ti sigurojë vetë në tryezë me Ramën dhe ndërkombëtarët. Ska pse të jetë faktori LSI dhe Meta zgjidhësi i problemit, por vetë PD dhe Basha./Elvi Fundo shkruar per Citynews