E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Basir Çollaku/Basha më i fortë se Rama, Meta, dhe dyqani i peshkut të tyre

3 Prill 2017, 17:10, Aktualitet CNA

Ka një lumturi digitale online se Rama dhe Meta u çelikosën dhe katër vite, marrëveshja po shkon mbarë, Pazari i ri i Tiranës, e trashëgoi fjollë Pazarin e vjetër, të Durrësit, e të tilla mendje të denja për hashash janë gëzimplotë se karriket e pushtetmbajtësve nuk kanë të bëjnë me zgjedhjet. Sipas tyre, mjaft që i gjati me të shkurtrin të jenë bashkë dhe hesapi elektoral dihet. Thua janë procesverbalet gati për datën e vendosur prej tyre. Këtu nuk ka surpriza, nuk ka befasi politike, sepse paraja kurrë nuk fle dhe në kesi vaktesh, ajo lëviz mirë. Ajo çka nuk rri kund drejt është pyetja e munguar. A ka rol parësor droga në këtë marrëveshje të pretenduar e lajmëruar nga mediat “Rama” e pamohuar ende nga mediat Meta?!?! Sigurisht po.

Rama nuk do ta ndërpresë projektin shumëmiliardësh kanabizues të vendit, paçka qokave komike për rrallim sipërfaqesh e shtim tonësh. Kjo jo krejtësisht nga lakmia e tij e shfrenuar për paranë, por edhe nga diktati ortakëve të organizatave të krimit, të cilat janë fatkeqësiht aksionere në këtë mandat katërvjeçar të qeverisjes Rama-Meta. Secili sipas përqindjes dhe sektorit. Nuk ka shteg te ikin aleatët pa pazar, por bashkërisht rezultatii rënies dakort mes tyre, është ndarje e re e Shqipërisë dhe asaj çfarë ka mbetur dhe këtu nuk duhet nxituar për të thënë se Meta dhe Rama i kane thënë po njëri-tjetrit për një mandat tjetër konkurues bashkë.

Qejfi safi i Metës dhe të tijve, është më së shumti të dalë më vete në zgjedhje ciladoqoftë data, dhe të nxitojë sa më parë ta bëjë këtë punë, sepse ul koston në adresë të LSI, dhe i përcjell faturën e konsumit e akuzave drejt Ramës duke qenë vetë akuzuaes, ashtu siç ka nsiur prej një muaji të bëjë. Meta luan në një fushë gjysëmbosh me mendjen të maksimalizojë pazaret me pushtetitn ehde me Ramën por nëse gjen shteg përse jo me opozitën, duke e shitur urtësinë e tij të fshehur si rol ndërmjtës. Por nuk është krejt e kollajtë të dalësh pa lagur kur qeveris me Ramën, sepse ai ka vjedhur vetë, ka bërë trafik me të vetët, ndaj su ka thënë gjë për të njëtat gjëra ortakeve në koalicion.

Kjo nuk na sjell besim se Rama është duarbosh në akuza e dosje për Metën e ministrat e Metës, apo drejtorët që ia arreston një herë në javë si mesazh kujtese. Në këtë kahje ata janë siamezë në këto muja të nxehtë politikë dhe hanë bashkëfajtorë për gjendjen në çdo përmasë që do zbulohet më tepër pikërisht nga lufta mes sekreteve të tyre. Në këtë përpjekje ata duan pushtet për të mos lënë Bashën dhe opozitën ti ndëshkojë më keq se askush tjetër. Pragmatizmi i Metes, ngutja nën stimuj e Ramës, luhatja në rritje e ndërkombëtarëve, rrënimi progresiv i qytetarëve, rritja e ndjeshme e lidershipit të Bashës, janë ekuacione, me vështirësi të shtuara, ku zgjidhja nuk kalon tek asnjëri pa Po-në e gjithësecilit. Basha eshte aktori politik më i besueshëm, jashtë teksteve mediatike qeveritare sigurisht, sepse kundër tij ka një rritje agresive kundërshtie të privilegjmbajtësve. Lulzim Basha preku plagën antike njëherësh moderne të politikës dhe pushtetit, adresen e parasë së paligjshme, sekuestrimin e saj, rikthimin nëpërmjet buxhetit në dobi të qytetarëve, pronarëve të ligjshëm të pasurisë publike.

Kjo solli sekëlldi të madhe brenda kampit të mazhorancës, e ndoshta vende vende edhe në kampin opozitar. Aq më mirë. Meqë kreu i opozitës e ka ndarë mendjen nuk ka përse të vërë kufij në betejën me të keqen dhe krimin, në çfarëdoforme qoftë. Lajmërimi bërë nga Basha në çadër pas bisedës me shefin e Europol se paratë e krimit, korrupsionit, janë tashmë nën shenjestër dhe dihet ku kanë përfunduar ka zgjuar frikën dhe reagimin e frikshëm të saj. Tani Basha ka një koalicion që po zgjerohet dhe LSI-PS nuk kanë përse thërrasin dhe drogën në sulmin ndaj çadrës. Aleksandër Arvizuu ëshshtë një vizitë e rëndësishmë shumë në Tiranë dhe ish-ambasadori tashmë zëvëndësndihmës sekretar shteti për çështjet e trafikut të drogës, pas atij raporti kobzi të Departamentit të Shtetit mos pandehni se ka ardhur me fletënderi në dorë për Ramën dhe Metën. Lulzim Basha ka një plan konkret. Jashtë zyrave të shtetit droga dhe krimi.

Këtë e ka nisur si nismë të tij me ligjine dekriminalizimit dhe do ta përfundojë. PS dhe LSI kanë në Kuvend dhe administratë emra të lidhur me botën e krimit të cilët kanë ikur pjesërisht. Ndaj ata janë më të fortë se Basha teorikisht, por shumëherë më të dobët praktikisht.Ata të dy janë përballë peshaktarit, sidoqë ta ndajnë mes vetes rolin e peshkut e peshkaqenit në dyqanin e tyre. Qytetarët janë gjithnjë aleatë kundër krimit. Ndaj Basha është shumë dhe do të bëhet më shumë. Petullat e Ramës në Asmablenë e djeshme kanë pasur më shumë ujë se sa duhet, Meta e ka pjatën e këtyre petullave në dorë. Le ti provojë.. …