E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Projekti i gazsjellësit TAP me para të Ndragetës, oligarkëve rusë dhe llogarive “off shore”

1 Prill 2017, 11:24, Aktualitet CNA

Nga GJERGJ THANASI

Që nga shkurti 2017 menaxherët e projektit të Gazsjellësit TAP në Shqipëri filluan një fushatë të ethshme të tipit ?minds & hearts? për të marrë me të mirë shqiptarët dhe diplomatët e huaj të akredituar në Shqipëri. Ndër të tjera u investua fort për të ?përkëdheluar ? gazetarët shqiptarë. Për të organizuar një eskursion me të ngrënë, me të pirë e me të fjetur me gazetarët shqiptarë u mobilizuan jo vetëm OJQ gazetarësh (gjë normale dhe e kuptueshme), por edhe disa ish spiunë sigurimi. Kështu spiuni Holta pronar OJQ-je, që merret edhe me mediat në bashkëpunim me spiunin Arsimtari edhe ky pronar OJQ-je dhe vëllain e tij ish spiun Sigurimi dhe aktualisht gazetar dhanë kontribit të shquar në organizimin e këtij eskursion turistik për të fituar mendjet dhe zemrat e gazetarëve shqiptarë. TAP Albania organizoi me shpenzimet e veta edhe një shëtitje turistike me një tufë diplomatësh të vendeve të BE-së ose jo të akredituar në Shqipëpri. I gjithë ky operacion i marëdhënieve me publikun kishte lidhje me një investigim të gjerë e të thellë gazetaresk të ndërmarrë nga gazetarët e një vendi të rëndësishëm të BE-së. Investigimi zbulonte ?zhulin? dhe ?skeletet në dollap?, që fshihte projekti i Gazsjellësit TAP.

Investigimi gazetaresk

Nesër (të djelën) një revistë prestigjoze e një vendi të rëndësishëm europian do ta botojë investigimin, që i bën një ?tomografi? integrale anëve të errta të TAP-it. Për të mos djegur nga padurimi hetimin gazetaresk të kolegëve tanë europianë ne në shkrimin tonë do të përdorim dy teknika të marëdhënieve me publikun. Përkatësisht ?Names dropping technique? dhe ?iceberg technique?.

Më poshtë po listojmë 5 pyetje për zotërinjtë e TAP Albania. Me anë të këtyre pyetjeve ne duam t?i tregojmë lexuesit shqiptar se nuk po bllofojmë, por jemi në dijeni me hollësi të anëve të errta të projektit të Gazsjellësit TAP, sic del edhe nga hetimi gazetaresk i kolegëve tanë europianë.

1 Cfarë lidhje ka Gazsjellësi TAP me grupin zviceran AXPO?

2- Raffaele Tognacca apo edhe Almira Fernandes Tognaccanga Zvicra cfarë lidhjesh kanë me projetin TAP?

3- A ka përdorur projekti i Gazsjellësit TAP para të fituara nga trafikimi i kokainës nga Ndrangeta si fjala vjen nga njeri prej klaneve më gjakësore e më të poshtra të Ndrangetës i kryesuar nga kalabrezi Cosimo Tassone?

3-Kompania me qendër në Zvicër e quajtur Viva Transfer SA Lugano a ka transferuar para të Ndrangetës të fituara nga trafikimi i kokainës (nja pesë kuintalë gjithsejt) drejt kasave të projektit të Gazsjellësit TAP?

4- Projekti i gazsjellësit TAP a ka lidhje me ndonjë kompani të tipit ?off-shore,? së cilës i ka dalë emri në skandalin e quajtur ?Panama Papers??

5- A janë përfshirë në njërën shkallë apo në tjetrën në finacimin e Projektit të gazsjellësit TAP oligarkë rusë të lidhur me shërbimet sekrete ruse (ish GRU) deri në nivel ?pallkovnik-u??

Për më shumë hollësi për anët e errta të projektit të Gazsjellësit TAP dhe ndikimit, që ky projekt ka në Shqipëri, lexuesi shqiptar duhet të durojë deri të djelën për të lexuar artikullin përkatës në një revistë prestigjoze të botuar në një vend të rëndësishëm europian.

Normalisht mund të bëjmë edhe pyetje për ish Qeverinë Berisha apo edhe për Qeverinë e Rilindjes, nëse kanë verifikuar sado pak se cfarë fshihej pas projektit të Gazsjellësit TAP? Xhanëm është e kotë të pyesësh qeveritë shqiptare, sepse ato fare mirë mund të shfajësohen me batutën e famshme: Po c?ke, që i ngacmon? Qeveritë shqiptare përshesh me kos po hanë s?po bëjnë zarar!