web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk besohet Lulzim Basha kur sulmon Henri Çilin?

1 Prill 2017, 09:38, Aktualitet CNA

Elvi FUNDO

Kohët e fundit Partia Demokratike ka filluar të ketë qëndrime të ashpra ndaj drejtuesit të UET, Henri (Neim) Çili.

Dikur ai ka qenë një mbështetës i PD, kur merte liçensa nga Genc Pollo, më pas mbështet Ramën kundër Sokol Olldashit në Tiranë, riafrohet me PD nëpërmjet Bashës. Mbështet këtë të fundit në zgjedhjet e 2011, është me Berishën në 2013 dhe del kundër PD në 2014 pas një kontrrolli që Ministria e Arsimit zhvilloi në UET. Një kontrroll që duhet të kyçte njeherë e mirë UET, por që në fakt e hapi më  shumë edhe me Ligjin e Arsimit të Lartë.

Ky ligj së fundi është sulmuar edhe nga Ilir Meta edhe nga PD por koha e miratimit është e afërt, dhe çdo trillim apo gënjeshtëer e tyre në publik nuk mund të mbulohet kaq shpejt.

PD e kapur nga Sekti i Çilit në PD, heshti gjatë kalimit të ligjit në komisione, në asnjë rast nuk i bëri oponencë, kujtojmë disa reagime sporadike por edhe ndonjë qëndrim të Jorida Tabakut, të gjithë të tjerët u kujtuan tre ditët e fundit kur ligji hyri në seancë.

Basha i vendosur me shpatulla pas murit nga Berisha dhe Topalli, urdhëroi oponencën e ligjit. Ligj që tha se do e çonte në Gjykatën Kushtetuese dhe nuk e çoi kurrë. Për më tepër opozita nuk i bëri oponencën e duhur këtij ligji hap pas hapi, por mori qëndrim në fund kur gjithçka ishte ?kopsitur? siç duhej nga Universitetet private me në krye Çilin dhe vetë kryeministrin Rama.

Ndërsa Meta e miratoi me qetësi dhe dashuri, ndërsa tani për show publik si dredharak spektakolar, sulmon ligjin.

Por, të kthehemi tek Çili dhe tek PD, në veçanti tek Lulzim Basha. Ky i fundit ka mbajtur pas miratimit të ligjit disa qëndrime, me kalimin e kohës i ka ashpërsuar ato. Nuk foli në momentet e para pasi ishte vetë peng i Çilit dhe sektetit të tij në PD, por pasi pa skandalet me maturantët reagoi. Në fakt Basha me mos çuarjen e ligjit në Kushtetuese tregoi dyshimet e tij se ligji vlente, por kur Çili ja drodhi dhe plasën skandalet Basha, reagoi. Gjithmonë me vonesë dhe jo koherent. Mund të ishte edhe kurrë reagimi, por erdhi vonë shumë vonë.

Tani Basha flet nga çadra e mban reagime të forta, por tepër të pabesueshme, tepër të pavlera. Reagimi tek militantët është i fortë, por në opinion i pabesueshëm.

Sulmi ndaj Çilit në publik dhe intrigat me të nën rrogoz nuk janë zgjidhja. Basha e sulmon pas Berishës, përpiqet ti japë ndonjë shuplakë miqësore në distancë, por thjesht dhe vetëm kaq. Basha udhëhiqet nga Henri Çili, si mentalitet, udhëhiqet nga ?mësimet? dhe bashkëpunimi me të. Ka të njëjtin mesazh dhe sjellje, megjithse kohët e fundit po përpiqet të ndryshoje dhe të kopjojë Trump. Basha është një Çil në krye të PD, më i gjatë, më qytetar, por po me aq maska sa miku i tij i ngushtë që ka shkuar përkohësisht tek Rama, por i ka lanë nga pas Lulzim Bashës, sektin e tij që PD qëndron në tribunë dhe nesër do jetë me mandate deputetësh. Basha po shkon në betejë elektorale me ushtarët e Çilit në krye të PD, si mund të besohet në qëndrimet e tij nga Çilit?/Citynews





Lajmet e fundit nga