Kapet "i forti" i Vlorës/Krimet që ka kryer dhe emrat që përdorte

30 Mars 2017, 15:37, Aktualitet CNA

Policia e Vlorës arrestoi sot një 30-vjeçar të shpallur në kërkim, pasi akuzohej për një sërë veprash penale, si vrasje, plagosje, pengmarrje, armëmbajtje pa leje, etj. Bëhet fjalë për shtetasin Klejvis Gjatari, i cili ishte arratisur prej 5 vitesh nga burgu i Kavajës.

Ky person konsiderohej nga policia me rrezikshmëri të lartë shoqërore, ndërsa është autor i ngjarjeve të listuara si më poshtë:

? Në shtator të vitit 2012, është shpallur në kërkim për veprën penale ?Largimi i të burgosurit nga vendi i qëndrimit? në Kavajë, për të cilën është dënuar me 4 vite e 10 muaj burg. (Vend në të cilin vuante dënimin për ?Armëmbajtje pa leje? dhe ?Kanosje?).

? Në maj të vitit 2016, është autor i ngjarjes së ndodhur në ?Plazhin e Ri?, ku në bashkëpunim me shtetasit D.Rrapaj dhe A.Gjatari, kanë marrë me forcë në mjetin e tyre shtetasin Y.K., duke e kanosur atë me armë zjarri.

(Ngjarje për të cilën i është caktuar masa e sigurisë ?Arrest në burg? për veprat penale ?Heqja e paligjshme e lirisë?, ?Armëmbajtje pa leje?, ?Prishja e rendit dhe qetësisë publike?, ?Mosbindja ndaj urdhrit të punonjësit të policisë?).

? Në tetor të vitit 2016, është autorë i ngjarjes së ndodhur në lagjen ?Pavarësia?, ku për motive të dobëta, në një lokal ka plagosur me armë zjarri shtetasin F.M. (?Vrasje me dashje, e mbetur në tentativë?, ?Armëmbajtje pa leje?).

? Në Tetor të vitit 2016, është autorë i ngjarjes së ndodhur në lagjen ?Ujë i ftohtë?, ku në bashkëpunim me shtetasin O.Shehu, i kanë vjedhur me dhunë shtetasit F.M., automjetin tip ?Audi?, dhe kanë tentuar ta vrasin me armë zjarri këtë të fundit.

(Ngjarje për të cilën i është caktuar masa e sigurisë ?Arrest në burg? për veprat penale ?Vrasje me dashje, e mbetur në tentativë?, ?Armëmbajtje pa leje?, ?Vjedhje me dhunë, e kryer në bashkëpunim?).

? Në dhjetor të vitit 2016, është autorë i ngjarjes së ndodhur në lagjen ?Ujë i Ftohtë?, ku në bashkëpunim me persona të tjerë, i ka marrë me dhunë në rrugë shtetasit V.F., automjetin tip ?Benz? në pronësi të këtij të fundit. (?Vjedhje me dhunë, e kryer në bashkëpunim?).

Gjithashtu, ky shtetas figuron person me precedent kriminal dhe penal në shtetin italian, për veprën penale të ?Vrasjes?.
Nga hetimet e kryera, për shkak të probleme me drejtësinë shqiptare dhe të huaj, ky shtetas ka përdorur disa gjeneralitete të tjera si: Erion GJATARI, Eri GJATA, Erion SUAL.

Dyshohet se ky shtetas gjatë kohës që ka qenë në kërkim është përfshirë në vepra të tjera të rënda kriminale, për të cilat Policia e Vlorës po punon intensivisht për dokumentimin e plotë ligjor të tyre./CityNews