web counter
LEXO PA REKLAMA!

SHKARKO APP

App Store
Google Play

Vrau dy vëllezër për kromin në Kukës/ Burg përjetë autorit

30 Mars 2017, 12:37, Aktualitet CNA

Gjykata e Kukësit ka dënuar me burgim të përjetshëm shtetasin Muharrem Bugjisha, pasi ka vrare tre vite më parë dy vëllezër.

Ai u ka marrë jetën vëllezërve Emri dhe Bilbil Batusha si dhe plagosi edhe Arbër Batushën.

E gjithë historia e ka zanafillën në përdorimin e një hapsire toke në Kalimash.

Ngjarja e rëndë është shënuar në 25 korrik të vitit 2014.

Nga hetimet e Prokurorisë rezultoi se i akuzuari Muharrem Bugjisha, në vijim të një debati verbal, ka qëlluar 7 herë me pistoletë, nga të cilat ka mbetur i vdekur në vend Emri Batusha, ndërkohë që është plagosur rëndë dhe ka vdekur rrugës për në spital, Bilbil Batusha. Nga plumbat ka mbetur i plagosur edhe shtetasi Arbër Batusha.

Pas krimit, i akuzuari është larguar dhe gjatë periudhës së hetimit ai nuk është mundur të arrestohet.

Autori i akuzuar është vetëdorëzuar në kohën kur Prokuroria e Kukësit dërgoi kërkesën për gjykim ndaj tij, për veprat penale të ?Vrasjes në rrethana të tjera cilësuese? dhe ?Mbajtje pa leje e armëve luftarake?.

Gjatë gjykimit, i pandehuri dhe mbrojtja e tij kanë pretenduar se Muharrem Bugjisha ka pasur probleme me shëndetin mendor si në kohën e kryerjes së krimit, po ashtu edhe në periudhën në vijim.

Pas kryerjes së ekspertizave ligjore, është konkluduar se i pandehuri nuk ka probleme të shëndetit mendor dhe se ai e ka kryer krimin në vijim të konflikti për të ndarë zonat e kërkimit të kromit në zonën e Kalimashit.

Në përfundim të procesit gjyqësor, Gjykata pranoi kërkesën e Prokurorisë së Kukësit dhe dënoi me burgim të përjetshëm të pandehurin. /CityNews

 





Lajmet e fundit nga